Хүүхдийн байршил тогтоох төхөөрөмжөөр дамжуулан эцэг эхийн гар утсанд хүүхдийн байршлыг цаг алдалгүй дамжуулах нам давтамжийн сүлжээнд суурилсан хүүхэд хамгааллын системийг Төв аймгийн Зуунмод хотод нэвтрүүллээ. Байршил тогтоох төхөөрөмж нь хиймэл дагуулаас байршлаа авч хотын нам давтамжийн сүлжээгээр мэдээллээ дамжуулдаг юм байна.
Энэ шийдэл нь үүрэн холбооны ямар нэг сүлжээнээс хамааралгүй бөгөөд хотын дэд бүтцийг ашиглан мэдээллийг дамжуулж буйгаараа илүү онцлогтой гэнэ. Эцэг эхчүүд хүүхдүүдийнхээ байршлыг Kidway аппликейшн ашиглан шууд харах боломжтойгоос гадна сүүлийн сарын байршлын түүхийг харах боломжтой. Мөн хүүхдийн тогтмол очдог газруудыг Kidway аппликейшн -д бүртгүүлснээр гар утсандаа мэдэгдэл (notification) хэлбэрээр эцэг эхийн гар утсанд цаг алдалгүй мэдээлэл авна.
Xүүxэд аюулд орох үед төхөөрөмжийн голын улаан товчийг (SOS) дарснаар мэдээлэл шууд очих давуу талтай юм.
Төслийг Астра Линк ХХК Монголд анх удаа нэвтрүүлж байгаа бөгөөд Зуунмод хотын мэдээлэл холбооны сүлжээ “ТӨК” болон Радио телевизийн сүлжээ УТҮГ-ийн хамт олон хамтран ажиллажээ.
