Улаанбаатар хотод өдөрт дунджаар 37 мянган скүүтер, цахилгаан дугуй замын хөдөлгөөнд оролцож байгаа бөгөөд Тээврийн цагдаагийн алба замын хөдөлгөөний дүрмийг чанд мөрдөхийг уриалж байна.

“Эрдэнэс Монгол” болон Энэтхэгийн төлөөлөгчид Монгол Улсаас коксжих нүүрсийг туршилтаар Энэтхэг рүү тээвэрлэх, хамтарсан ажлын хэсэг байгуулах талаар хэлэлцэв. Энэтхэгийн SAIL компани Монголын нүүрсийг худалдан авах хүсэлт илэрхийлсэн байна.

Үндэсний аудитын газраас “Эрдэнэс Таван толгой” ХК-ийн ногдол ашгийн хуваарилалт болон хууль тогтоомжийн хэрэгжилтэд гүйцэтгэлийн аудит эхлүүлсэн бөгөөд аудитын дүнг Улсын Их Хуралд танилцуулах юм.

Монгол Улсын Ерөнхий сайд Н.Учрал эрүүл мэндийн салбарын цалингийн тооцооллыг шинэчлэх үүрэг өгч, нэмэгдсэн цалингаас бүх төрлийн нэмэгдлийг тооцох зохион байгуулалтыг хийхээр боллоо.

Улаанбаатар хотын Нийтийн төв номын сангийн өргөтгөлийн барилгын ажил үргэлжилж, шинэ барилгыг энэ оны зун эсвэл намар ашиглалтад оруулахаар төлөвлөж байна. Шинэ номын сан нь хүртээмжтэй орчин бүрдүүлж, хөгжлийн бэрхшээлтэй иргэдэд саадгүй үйлчлэх боломжтой юм.

Шүүх яллагдагч Д.Амарбаясгаланд тавьсан Монгол Улсын хилээр гарах хязгаарлалыг хэвээр үлдээх шийдвэр гаргалаа. Өмгөөлөгчдийн хүсэлтийг хангаагүй бөгөөд мөрдөн шалгах ажиллагаа үргэлжилж байна.

БНХАУ-ын Ордос хотод жүдо бөхийн насанд хүрэгчдийн Азийн аварга шалгаруулах тэмцээн ирэх пүрэв гарагт эхэлж, 21 орны 207 жүдоч оролцоно. Монгол Улсаас 18 жүдоч өрсөлдөнө.

Монгол сурагч, оюутнуудын Өрнөд Европод суралцаж эхэлсний 100 жилийн ойд зориулсан "Алс газар сурахаар одогсод: 100" үзэсгэлэн энэ сарын 15-нд Монголын Үндэсний музейд нээгдэж, 25-ныг хүртэл үргэлжилнэ.

2024 оны эхний улиралд нийслэл болон найман аймгийн 32 суманд гарсан ой, хээрийн 48 гал түймрийг унтраах ажиллагааг зохион байгуулж, нийт 229,006 га талбай түймэрт өртжээ.

Гэр бүл, хөдөлмөр, нийгмийн хамгааллын яам 2026 онд ядуурлыг бууруулах зорилгоор 5000 өрхийг "Өрхийн амьжиргааг дээшлүүлэх хөтөлбөр"т хамруулахаар төлөвлөж байна.