Хангай, Хөвсгөлийн уулархаг нутаг болон Дорнодын тал нутгаар бороо, нойтон цас орж, говь, талд салхи шуургатай байхыг цаг уурын байгууллагаас мэдээллээ. Ирэх өдрүүдэд зарим нутгаар бага зэргийн бороо, цас орж, салхи ширүүснэ.

"Хааны харгалзагч" кино Өмнөд Солонгосын кино урлагийн түүхэнд хамгийн олон үзэгчтэй хоёр дахь бүтээл болж, 16.28 сая үзэгчтэй болсон талаар дистрибьютор компани мэдээлэв.

Сүүлийн 24 цагт Улаанбаатар хотод улаанбурхан өвчний таван шинэ тохиолдол батлагдаж, улсын хэмжээнд нийт тохиолдол 14,631-д хүрсэн байна.

Хөвсгөл аймагт ноолуурын үнэ өсөж, нэг кг нь 200 мянган төгрөгт хүрсэн байна. Улсын хэмжээнд ноолуурын ханш 165-207 мянган төгрөгийн хооронд хэлбэлзэж байна.

Засгийн газраас Дархан-Уул аймгийн Орхон суманд нэг сая тонн ган үйлдвэрлэх хүчин чадалтай цогцолбор барихаар шийдвэрлэж, 650 га газрыг зориулалтаар олгохоор боллоо. Төслийн хөрөнгө оруулалт 800 сая ам.доллар бөгөөд ашиглалтад орсноор дотоодын гангийн хэрэгцээг 60-70 хувиар хангах боломжтой.

Тайландын Бангкок хотноо болж буй пара пауэрлифтингийн Ази, Номхон далайн аварга шалгаруулах тэмцээнд Монголын тамирчин Э.Содномпилжээ 107 кг-ын жинд алтан медаль хүртлээ.

Барилгын салбарт зөвшөөрөл авах хугацааг цахимжуулснаар гурван хоног болгож богиносгож, шинэчилсэн хуульд зөвшөөрлийн тоог бууруулж, салбарын харилцааг нарийвчлан зохицуулах зохицуулалтууд багтжээ.

Сүхбаатар дүүргийн прокурорын газраас “Севеникс виз консалтинг” ХХК-ийн захирал Л.Эгшиглэнг 491 иргэнийг визээр зуучилна хэмээн залилсан хэрэгт яллах дүгнэлт үйлдэн шүүхэд шилжүүлжээ. Шүүх түүнд 10 жилийн хорих ял оноож, 3 тэрбум гаруй төгрөгийг хохирогчдод олгуулахаар шийдвэрлэв.

Хэнтий аймгийн Жаргалтхаан сумын нутагт автобусны осол гарч, Оюун ухааны академийн тэмцээнд оролцсон 29 хүүхэд аюулгүйгээр гарчээ. Холбогдох байгууллагууд нөхцөл байдалд арга хэмжээ авч байна.

УИХ-ын гишүүн Ж.Баярмаа нарын өргөн мэдүүлсэн Харбины гэрээний хянан шалгах түр хороо байгуулах тогтоолын төслийг олонх дэмжээгүй байна. Сонсголыг цаг тухайд нь хийх шаардлагатайг гишүүд онцолжээ.