УИХ Оюутолгойн хянан шалгах түр хорооны тогтоолын төслийг Эдийн засгийн байнгын хороогоор хэлэлцэн, санал дүгнэлт гаргуулахаар шийдвэрлэлээ. Засгийн газар зээлийн хүү бууруулах чиглэлд ажиллаж байна.

УИХ-ын гишүүдийн өргөн мэдүүлсэн нийтээр тэмдэглэх баярын өдрүүдийн тухай хуулийн нэмэлт оруулах төслийг хэлэлцсэн ч ирц хангалтгүйгээс батлагдсангүй.

Монголын жүдо бөхийн холбоо 2026 оны насанд хүрэгчдийн улсын аварга шалгаруулах тэмцээнийг Хэнтий аймгийн Чингис хотод зохион байгуулахаар болсныг мэдэгдлээ. Тэмцээн 2026 оны нэгдүгээр сарын 23-25-нд болно.

УИХ-д төрийн өмчит компаниудын хувьцааг 2026-2028 онд биржээр олон нийтэд нээлттэй худалдах, хувьчлах, бүтцийн өөрчлөлт хийх үндсэн чиглэлийн төсөл өргөн барилаа. Засгийн газар төрийн өмчийг иргэдийн хяналтад оруулахыг зорьж байна.

Нийтийн тээврийн орлогыг хянахад зориулан 1100 гаруй толгой тоологч төхөөрөмж суурилуулж, орлого 69 хувиар нэмэгдсэн байна. Энэ оны 11 дүгээр сарын байдлаар орлого 51 тэрбум төгрөгт хүрчээ.

УИХ-ын чуулган Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах төслийг хэлэлцэж байна. Хууль зүйн сайд цагдан хорих арга хэмжээг бууруулсан үр дүн болон улс төрчидтэй холбоотой асуудлыг танилцууллаа.

Гадаадын иргэн, харьяатын газраас "Ногоон нуур 1008 айлын орон сууц" төслийн гадаадын иргэдэд хууль зөрчсөн хөдөлмөр эрхлэлтийн талаар хяналт шалгалт хийж, ноцтой зөрчлүүд илэрсэн тул холбогдох арга хэмжээ авсан байна.

УИХ-аас баталсан 2025 оны төсөвт ажилгүйдлийн даатгалын сангийн 161.9 тэрбум төгрөг багтсан ч хүссэн өргөдөл төсвөөс давсан тул нэмэлт тэтгэмжийг 2026 оноос олгоно.

Монгол Улс Европын сэргээн босголт, хөгжлийн банкнаас зээл авч, 2025-2029 онд 120 ортой зүрх судасны үндэсний төв байгуулахаар төлөвлөж байна. Төсөл нь мэс засал, оношилгооны өрөөний тоог нэмэгдүүлэх юм.