УИХ Эрүүгийн хуульд нэмэлт өөрчлөлт хэлэлцэж байна
Өнөөдрийн УИХ-ын чуулганы хуралдаанаар Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төслийг хэлэлцэж байна.
Хууль зүйн сайд Б.Энхбаяр хөнгөн гэмт хэрэгт холбогдсон этгээдийг цагдан хорихыг болиулсан хуулийн өөрчлөлтийн үр дүнгийн талаар танилцууллаа. Тэрбээр 2023 оны 11 сард батлагдсан хуулийн үр дүнд цагдан хорих тохиолдол сүүлийн нэг жилийн хугацаанд гурван дахин буурсан гэж мэдээлэв.
Гэсэн хэдий ч улс төрчидтэй ойр хүмүүс цагдан хоригдохоос зайлсхийж байгаа асуудал байгааг тэр онцлов. Тухайлбал, Д.Амарбаясгалантай холбоотой Эрдэнэжаргалыг шүүгч хоёр удаа сулласан бөгөөд сүүлд уржигдар шөнө сулласан нь мөрдөн байцаах ажиллагаанд сөргөөр нөлөөлж байна гэжээ.
Тэрбээр Д.Амарбаясгалан дарга одоо Монголд байгаа эсэх, хилээр гарсан эсэхийг тодруулах шаардлагатайг дурдсан бөгөөд хууль зүйн сайдын хувьд хэрэг маргаан шийдвэрлэх эрхгүй тул оролцох боломжгүй ч бүрэн эрхийн асуудлыг УИХ-д оруулж ирж шийдвэрлэх шаардлагатай гэж үзэж байгаагаа илэрхийллээ.