2026 оны жүдо бөхийн улсын аварга шалгаруулах тэмцээн Хэнтийд болно

Монголын жүдо бөхийн холбооноос 2026 оны насанд хүрэгчдийн улсын аварга шалгаруулах тэмцээнийг Хэнтий аймгийн Чингис хотод зохион байгуулахаар болсноо өнөөдөр албан ёсоор мэдэгдлээ. Тус тэмцээнд эрэгтэйчүүдийн 49, эмэгтэйчүүдийн 34, холимог багийн ангиллын 12 удаагийн улсын аваргууд оролцохоор төлөвлөгдсөн байна. Мөн өсвөр үеийн 15, 16, 17 настай тамирчдыг тэмцээнд оролцохыг зөвшөөрсөн байна.

Хэнтий аймгийн Биеийн тамир, спортын хороо нь энэ жил “Бөртэ чоно-2025” наадмын шилдэг спорт хороогоор шалгарсан бөгөөд жүдо бөхийн дэлхийн аварга шалгаруулах тэмцээний хүрэл медальт Б.Ганхайч “Бөртэ чоно”-ын эзэн болж, шилдэг тамирчдын цомыг хүртсэн юм. Тэрээр Хэнтий аймгийн харьяат юм.

Тэмцээн 2026 оны нэгдүгээр сарын 23-25-ны өдрүүдэд Хэнтий аймгийн спортын ордонд зохион байгуулагдах ажээ.