АНУ-д H5N1 хувилбарын шувууны ханиадаар өвчилсөн өвчтөн нас барсан тохиолдол анхны удаа бүртгэгдсэний дараа ДЭМБ-ын төлөөлөгч мэдэгдэл хийхдээ тус вирус хүн амд үзүүлэх эрсдэл бага хэвээр байгаа гэжээ. Нас баралт бүртгэгдсэн Луизиана мужийн эрүүл мэндийн албанаас мэдээлснээр, өвчтөн нь 65-аас дээш насны, суурь өвчтэй байсан аж. Өвчтөн хашаандаа тэжээдэг тахиа, зэрлэг шувуудтай харьцсаны дараа буюу арванхоёрдугаар сард вирусийн халдвараар эмнэлэгт хэвтсэн юм.
АНУ-ын Өвчний Хяналт, Урьдчилан Сэргийлэх Төвийн мэдээлснээр, өнгөрсөн жилийн дөрөвдүгээр сараас хойш АНУ-д 70 орчим шувууны ханиадны тохиолдол бүртгэгджээ. Тэдний ихэнх нь фермийн ажилчид байсан ба халдвар үүсгэгч вирус шувууны аж ахуй, сүүний малын сүрэгт эргэлдэж байна. ДЭМБ болон АНУ-ын холбооны болон мужийн албаны хүмүүсийн мэдээлснээр, нийт хүн амд үзүүлэх эрсдэл бага хэвээр байгааг онцолжээ.
Эх сурвалж: Reuters
