Захидал: Яах гэж, юуны тулд хүний нутагт жорлон угааж яваагаа бодлоо

Яах гэж, юуны тулд хүний нутагт жорлон угааж яваагаа бодлоо. Өдөр шөнөгүй цаг наргүй ажиллахад би сард монгол төгрөгөөр 4 сая, амраад цаг нартай ажиллахад 3сая 500 орчим цалин авч байна. Гэтэл энэ цалин надад, миний хэрэгцээнд өнөөдрийг хүртэл хангалттай хүрэлцдэггүй байж. Яагаад гэвэл би сар болгон үнэтэй ямар нэг брендийн зүйл өөртөө авдаг. Тэр нь 500-1500$ байх жишээний.

 Үлдсэн хэдэн төгрөгийг цааш нь хийхдээ хийгээд идэж уухдаа уугаад дуусдаг аж. Гэтэл би монголд сард 500-700 мянган төгрөгийн цалинтай ажиллаж байхад надад хангалттай хүрдэг байж. Би идэж уугаад, үр хүүхдээ хооллож, хувцаслаад хажуугаар нь өр ширээ дараад яаж ийгээд болгодог байжээ. Би өнгөрсөн 8-р сард л гэхэд өөртөө Оогий брэндийн могойн арьсан пүүз 450$ -р авсан байна. Тэр нь монгол мөнгөөр 450×2460=1,107,000 Гэтэл энэ сард Canada Goose брэндийн өвлийн куртик авна гээд төлөвлөцөн байж. Энэ 980$×2460=2,410,800 жишээний. Өөрийгөө харлаа би өмсөх гуталгүй, өвөл өмсөх куртикгүй хүн юмуу гэж.

 Гэтэл надад нөгөө брэндүүдийн 5 ш кет, 3 ш пүүз, өвлийн гутал 3 ш, хавар намрын гутал 4 байна. Шунан дурлан байж авсан эдгээр гутлаа би жилд ганц хоёр л өмсдөг бүгд шинээрээ шахуу. Би ноднин гоншигнон байж 500 мянгаар өвлийн куртик ханиараа авахуулсан. Ноднин өвөл гэртээ голдуу байсан учир бас л шинээрээ . Тийм байхад одоо би 980$-р ахиад куртик авна гээд бодоод сууж байгаа маань сэтгэлгээний асар том доройтол.

Нэг ёсондоо би уг куртикыг авахын тулд, бусдад сайхан харагдахын тулд хүний нутагт жорлон угааж байнаа гэсэн үг. Яагаад би, яагаад бид, яагаад монголчууд хүнд таалагдах гэж хувцасладаг, хүнд магтуулах гэж гоё ярьдаг юм бэ??? Яагаад??? Чи, би хэний өмнөөс амьдраад байгаан бэ? Хэнд таалагдаж таалуулах гээд байгаан бэ. Бодох л зүйл Анх би Солонгост ирээд гайхдаг байсан. Энэ хүмүүс ямар арчаагүй юм бэ энэ яажийсан гутлаа сольж болдоггүй юм байхдаа, энэ цамцнаас өөр цамцгүй юм байхдаа гэх мэт солонгосчуудыг хараад боддог байлаа. Гэтэл арчаагүйдээ биш юм байна гэдгийг ойлгосон. Тэр яажгий гутал тэр хүний хэрэгцээг хангаж чадаж байна.

 Түүний хэрэглээнээс гарах болоогүй учраас тэр залуу, тэр бүсгүй тэр хувцастай, тэр л гуталтайгаа явж болоод байна. Амьдарч чадаад байна. Гэтэл яагаад бид өдөр болгон үдэшлэгт явж байгаа юм шиг хувцаслаад, тэгсэн хэрнээ түүндээ ханаж цаддаггүй шунадаг юм бэ . Тийм байж яагаад надад юу ч байхгүй гэж хоосон ам, шалдан гуя царайлдаг юм бэ??? Та бүхэн бодоод үзээрэй. Магадгүй яг одоо, эсвэл маргааш үнэтэй цайтай зүйлд мөнгө үрэх гэж байгаа бол “Энэ надад үнэхээр хэрэгтэй юу, тийм чухал уу” гэж өөрөөсөө асуу. Эргээд харахад өмсөж зүүхгүй, эдлэж хэрэглэхгүй новш цуглуулцан байх вий. Би өөр дээрээ жишээ авч бичиж байгаа учир ахин нэг жишээ. Манай хүн өчигдөр надтай ярьж байна. -Ханиа, хайр нь машины үнэ ханш судалж байя.

 Нөгөө ахын яриад байсан 100-г авах уу эсвэл 570 зүгээр үү ханиа? . Тэгэхээр нь би миний хань яагаад заавал ийм үнэтэй машин авах гээд байгаан гэхэд. Манай хүн: Юу гэсэн үг юм бэ ханиа. Олон жил гадаад дотоодод байгаад ирцэн найз нөхөд ах дүүгээс эхлээд ямар машин унаж, юу өмсөж зүүж гээд харна ш.дээ гэлээ. Тиймээ ингэж хэлэх нь миний ханийн зөв. Хэн бүхэн ингэж л боддог .

 Энэ нь чухамдаа хүнээс дутуу явахгүй гэсэн л санаа. Гэхдээ би ханьдаа ингэж хэлсийн: – Миний хайр сонс доо . Ингэж ярих нь миний ханийн зөвөө. Гэхдээ ханиа. 100 саяар машин авах, 10 саяар машин авах хоёрт асар их ялгаа бий шүү. Чи бид хоёр хүний өмнөөс амьдраагүй Хэн юу гэж хэлэх нь чухал биш шүү дээ. Гол нь манай гэр бүл бүтэн, дүүрэн амьдрах л чухал. Тийм болохоор хайраа бид хоёр бусдад таалагдах биш, харин бусдын сайн сайхны төлөө ямар нэг зүйл хийж явбал өгөөжтэй шүү дээ гэсэн. Манай хүн за тэгвэл чамайгаа ирэхээр болъё доо гэнэ лээ.

 Би юу гэж бодож байна гэхлээр, яагаад бид хүний нутагт хөлс хөдөлмөрөө шавхан байж олсон мөнгөө үнэтэй машин, үнэтэй хаус, булган шубэнд өгөөд дуусгах ёстой юм бэ. 100 саяын машин унах биш, 10 саяар prius авахад 90 саяар жишээ нь 10 хүний ажлын байр бэлдэж болно. Тэр 10 хүний цаана хичнээн хүүхэд, хичнээн өвчтэй хүн, хэдэн эхнэр халуун хоолтой, дулаан хувцастай явах бол. Энэ л надад чухал болохоос биш өнөөдөр би л тансаг амьдарч байвал миний хөрш өлсөж үхэх нь надад хамаагүй гэсэн аминчхан бодол тээх ч эрхгүйгээ ухаарлаа.

Эцэст нь эрхэм хүмүүн та аливаа зүйлийг өөртөө авахдаа энэ үнэхээр надад чухал уу, хэрэгтэй юу гэж өөрөөсөө заавал асууж байгаарай. Ноднин, эсвэл 3 жилийн өмнө, магад 7 жилийн өмнө авсан гутал чинь, эсвэл цүнх чинь ч юмуу таны хэрэгцээг одоо хэр нь хангаад болоод байвал заавал солих шаардлага байна уу өөрөөсөө асуу. Үхэхдээ үнэтэй брэндээ аваад үхэх бил үү бид?

Эх сурвалж: amjilt.news

  • WordPress
  • Facebook

23 сэтгэгдэлтэй

  1. Bodol sanaa ni zov bna gej heleh bna. Amjirgaanii ortog, uls ornii hogjil oor bolohoor tsalin oor bh ni oilgomjtoi asuudal. Gol ni amidral daa setgel hangaluun, tsalin mongoo zov zartsuulaad yavbal boloosh dee. Busdaas dor orohgui gej, busdad ataarhaj amidrah hend heregtei yum be. Bolomj bol haa ch bdag. Ooriinhoo hodolmor shingesen tsalin mongoor avsan unaa, bair avah ooriinhoo bolomjoor amidrah l saihan sh de. Medeej tsalingaar bair unaatai boloh bolomj homs. gehdee tolovlood, tootsood, hurimtlal uusgeed, banknaas bolomjiin zeel avaad bolgonoo gev butehgui zuil ugui.

    Хариулах
  2. Unen teneg baij hun eron hezeee negen tsagt uhehees tsaash iim teneg amidraad yanaa hamgiin golon eruul saruul eleg buten stressgui saihan amidrah heregtei.mgold ochihoor humuus neeh unetei tsag unetei huvtas avsan geel gaihuulaad baidgiin tegeel ingeed udaan ajiglaad bhad ter humuus tsaanaasaa neeh shanalsan gereltsen tsaraigui boduul or zeel avj avsan yum shig bgaan hajuudan mani meten ter brend ene teriig toodoggui bhoor unen gegeeleg haragdaj bna hajuudan.oortoo tohirson davuun chanartai huvtas bhad ter brend ene tereer yu hiinee hooson tolgoinuid hahaha.

    Хариулах
  3. Чи өөрийгөө сайхан харагдуулахын тулд гадны жорлон угааж байгаа бол бусад Монголчууд гэр бүлээ сайхан харагдуулахын тулд сайхан амьдруулахын тулд гадны жорлонг угааж байна. Энэ бол том ялгаа шүү!!! Тэгэхээр чи өөрийгөө сэтгэлгээ болоод ёс суртахууны том доройтолд орсноо хүлээн зөвшөөрч байгаа чинь их сайн хэрэг. Хэрэв үнэхээр ойлгосон бол өөрийнхөө төлөө биш өрөөлийн төлөө зүтгээд байж дээ.

    Хариулах
  4. Naadakh chini gadaadad ajillaj amidardag khunii setgekhui bish l dee
    Mungu ni ursaj orj irj baidag lizents gazriin naimaachid avilgalgaar amidardag turiin alban khaagchid l ingej bayarkhaj sul orj irsen munguu brend khuvtsas unetei mashin bulgan shubend ugdug yum khudlaa bitgii tsetserkh
    uuruu khulsuu dusluulj olson munguu khun iim teneg zartsuuldaggui ‘Mongoliin bayachuud bol zugeer l khulgaich nar uchraas ajilchddaa oliugtoi tsalin ugukhgiin orond unetei mashin brend khuvtsas yankhan khuukhend munguu tsatsaj baidag yum chin bitgii khudla soliorood bai

    Хариулах
  5. Gadaadad amidarch baigaa mongolchuud bugd har bor ajil hiideg gesen hedii ch ajil olgogch bossinhoo hajuud tasarhai gangan brendleg, boss ereen tsamts,nogoon umdnuus salahgui utas ni tochtoi bish tovchtoi utas barina.Tuunii hajuud manai avarguud udur bolgon brendiin huvtsasaa solij umsunu 8s barina.Brendiin unertei us sengenuuleed l oo zulgej ugnu shuu dee yahav dee huurhiis yum uzeegui yum daa.

    Хариулах
  6. Чи бол чи шүү дээ. өөрийнхөө үзэл бодол, амьдралын хэв маягийг бусдад бүү тулгаж бай. Амьдралын утга учир гэдэг бол ямар нэгэн байдлаар аз жаргалтай байж сэтгэл санааны ханамжийн кайф авч байх байдаг. Тэр кайфаа брэнд хувцас өмсөж, сайхан хоол идэж, аялал зугаалгаар явж эсвэл гэр бүлтэйгээ байнга цуг инээж баясаж байх гэх мэт юунаас ч авч болно. Хэдийгээр нэг өнцгөөс чиний түмэн зөв боловч амьдрал гэдэг нэг хэвийн байх юм шиг яриад ухуулаад хэрэггүй биз дээ.

    Хариулах
  7. Ер нь бол үнэн шүү. Жишээ нь би нэг удаа 12 сард дэлгүүрт Турк улсад үйлдвэрлэсэн Элгэн дээл харлаа. 1,800,000 төгрөг гэнэ. Харах болгонд авмаар санагдаад байхаар нь биеэ бариад гараад явлаа. Гэртээ хариад бараг л сар шахуу өнөө дээл бодогдсон. Ойрд гадаа дулаараад байхаар нь хавар намрынхаа хувцасыг гаргаж ирээд харсан чинь 2 цув, 2 куртка, 1 пальто, бас нэг гээд өмсөх зүйл байнаа. Бид ийм л байна даа.

    Хариулах
  8. swed-iin Ikea delgyyriig yndeslen baiguulsan ezen ovgon sayahan nas barlaa… ene hyn switzerland ulsad amidardag baihdaa 1 udaa yariltslaga ogson….. huuchin huvtsasnii delgyyrees ochij huvtsas avch omsdogoo helj yarisan baisan…. ta 87 millard dolloriin horongotei hyn baitlaa yagaad huuchin huvtsasnii delgyyrees um avdag um be gehed tendhiin baraa ni hynii heregtseeg hangaj chadaj baina gej hariulsan baidag…. huuchin muu nooson malgai omsood yavj baidag daruuhan hyn baijee

    Хариулах
  9. NEG TALAAR ZUW YUMSHIG BOLOWCH shudraga zamaar, uuruu hudulmurluj olson munguu yundaa urnuu, hadgalnuu, unetei yumand zarnuu, busdad buuyan bolnuu uuriih ni l medeh heregshdeee. brand brand geed muulhaa bodoo bdag, shunaltaidaa yumuu, yaduu setgelegeetei bolhooroo eswel busadaas iluu garah gaihuulah gesendee ter bishshdeee. uhehdee awaad yawahguigees hoish amid baihdaa yagaad bolomjindoo taaruulaad ter brandeer chini guwtsaslaj boldogguiin. bied ewteihen, chanartai, setgel shingense yum geheer chini nuguu brand chni l bolj taarch bgaashd. uneteidee gol ni bish, mungunii une tseniig medelj l bwal hunii heregleeg tegj unetei chamin eswel zaawal komisoos aw gej hyazgaarlah hereggui.

    Хариулах
  10. yne ohtei baishin awcnihaad odor shongyi ajillaj amidarliin utga ni baishin ni bolj amidralaasaa yamarcn taashaal bayar baysgalang medrehgyi morgeijniihaa toloo l amidardag hymyys bas bh yum . hynii nas boginohon nasaaraa macniij awsan baishin ni jil irex tusam muudna /. ugaasaa tegj zohitsuulagddag kapitalist ornii ediin zasgiin bodlogo / tegsen dorwol dund amidarliin tsalind niitse morgeijiin bair awcn ooriigoo jaahn amraaj jaahan donguur amidarmaar sangdsan shyy

    Хариулах

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.