Нийслэлийн Засаг дарга Б.Пүрэвдагва хүүхдийн хөгжлийн төвүүдийн шинэчлэл, хүүхдийн аюулгүй орчныг бүрдүүлэх талаар төр, хувийн хэвшлийн хамтын ажиллагааг дэмжиж ажиллаж байгааг танилцууллаа.

25-ны өдөр нутгийн баруун хэсгээр, 26-нд нутгийн хойд хэсгээр бороо, дуу цахилгаантай аадар бороо орох төлөвтэй байна. Цаг агаарын температур нутгийн бүсээр харилцан адилгүй байна.

АНУ, Ираны хэлэлцээ урагшилж, Ормузын хоолойг нээх мэдэгдэлтэй холбоотойгоор газрын тосны үнэ 113 ам.доллараас 73 ам.доллар болж буурсан талаар эдийн засгийн шинжээчид мэдээллээ.

Увс аймгийн Тэс суманд боом өвчний хүний халдварын нэг тохиолдол илэрч, өвчтөн аймгийн нэгдсэн эмнэлэгт эмчлүүлж байна. Боом өвчин нь мал, амьтнаас хүнд халдварладаг хурц халдварт өвчин юм.

Яармагийн Арцатаас Хархорин чиглэлийн дүүжин замын төслийн гүйцэтгэл 75 хувьтай байна. Тээврийн туршилтыг энэ оны есдүгээр сард эхлүүлэхээр төлөвлөжээ.

2026 оны элсэлтийн шалгалт 6-р сарын 25-28-нд болно. Шалгуулагчид шалгалтын байранд нэг цагийн өмнө ирж, хориглосон зүйлсийг авч орохгүй байхыг зөвлөж байна.

Хөвсгөл аймаг малын гоц халдварт шүлхий өвчний улмаас бусад аймгаас мал, амьтан нэвтрүүлэх хөдөлгөөнийг тодорхойгүй хугацаагаар хориглолоо. Хил залгаа сумдад хяналтын цэг байгуулж, хөдөлгөөнд хяналт тавина.

Замын хөдөлгөөний аюулгүй байдлын тухай хуулийн нэмэлт өөрчлөлт 7 дугаар сарын 1-нээс хэрэгжиж, мопед, скүүтерийн үйл ажиллагааг хуульд нийцүүлэн зохицуулах бэлтгэл ажил хийгдэж байна.

Иргэдийн өргөн хэрэглэдэг эмийн чанар, аюулгүй байдлыг үнэлэх шинжилгээ "Эм, эмнэлгийн хэрэгслийн Үндэсний лавлагаа лаборатори"-д эхэллээ. Эхний шатанд 27 нэр төрлийн 56 эмийн дээжийг шинжилнэ.

Үндэсний их баяр наадам долоодугаар сарын 10-15-ны хооронд амрах бөгөөд энэ жил зургаан өдрөөс хоёр нь амралтын өдөр, дөрөв нь ажлын өдөрт таарч байна.