ЦЕГ-ын Мэдээлэл, шуурхай удирдлагын төвд жилд дунджаар 3 сая дуудлага бүртгэгддэг бөгөөд үүний 70 орчим хувь нь хуурамч дуудлага байдаг гэж мэдээллээ. Засгийн газар яаралтай тусламжийн дугаарыг 112-т нэгтгэхээр ажиллаж байна.

Цахим орчинд автомашины оношлогоо нэрээр урьдчилан мөнгө шилжүүлэхийг шаардах залилангийн тохиолдол нэмэгдэж байна. Цагдаагийн байгууллага залилангийн гэмт хэргийг илрүүлэн хариуцлага тооцжээ.

Монгол Улсын ажлын хэсэг Франц улсад хууль бусаар гарсан үлэг гүрвэлийн олдворуудыг эх оронд нь аюулгүй авчрах бэлтгэл ажлыг хангаж байна. Энэ үйл ажиллагаа нь соёлын өвийг хамгаалах, хууль бус худалдааг таслан зогсоох чиглэлд чиглэж байна.

Жижиг, дунд үйлдвэрийг хөгжүүлэх сангаас олгох хөнгөлөлттэй зээлийг 8 жилийн хугацаатай, 5 хувийн хүүтэй олгох зохицуулалт хэрэгжиж эхэллээ. Төсөл хүлээн авах хугацааг 30 хоног, сонгон шалгаруулалтыг 20 хоногт багтаан зохион байгуулах болсон байна.

Монгол Улс төрийн үйлчилгээний API үйлчилгээг хувийн хэвшилд нээж, НҮБ-ын цахим засаглалын индексээр 28 байр урагшилж, e-Mongolia платформ нь олон улсын хүндэт шагнал авлаа.

Дөрөвдүгээр сарын 28-наас тавдугаар сарын 1-ний өдрүүдэд Улаанбаатар хотын төв талбайд олон улсын циркийн уран бүтээлчид үнэ төлбөргүй тоглолт үзүүлнэ.

Төв талбайд олон нийтийн дэг журмыг зөрчсөн БНХАУ-ын иргэнийг Зөрчлийн тухай хуулийн дагуу торгож, 20 хоног баривчлах шийтгэл оногдуулжээ.

Нийслэл хеликобактерийн халдвараас урьдчилан сэргийлэх 3-4 жилийн хөтөлбөрийг НҮБ-ын Хүүхдийн сантай хамтран хэрэгжүүлж, энэ жил сургууль, цэцэрлэгийг ариутгалын тоног төхөөрөмжөөр хангахад 9.8 тэрбум төгрөг зарцуулахаар төлөвлөжээ.

Монгол Улс 2022 оноос хойш 1,561 цахилгаан автомашин импортолсон бөгөөд импортын ихэнх нь буюу 76.3 хувь нь БНХАУ-аас орж иржээ. Импорт 2024 онд оргилд хүрсэн ч 2025 оноос буурсан байна.

НИТХ-ын зөвлөл ерөнхий боловсролын сургуулиудын спорт болон урлагийн заалыг амралтын өдрүүдэд сурагчдад үнэ төлбөргүй ашиглуулах тогтоолын төслийг танилцуулж, хэлэлцэхээр болов.