2024 оны эхний улиралд нийслэл болон найман аймгийн 32 суманд гарсан ой, хээрийн 48 гал түймрийг унтраах ажиллагааг зохион байгуулж, нийт 229,006 га талбай түймэрт өртжээ.

Гэр бүл, хөдөлмөр, нийгмийн хамгааллын яам 2026 онд ядуурлыг бууруулах зорилгоор 5000 өрхийг "Өрхийн амьжиргааг дээшлүүлэх хөтөлбөр"т хамруулахаар төлөвлөж байна.

Эрүүл мэндийн салбарт цалингийн нэмэгдлийг зохицуулах, анхан шатны тусламжийн хүртээмжийг сайжруулах иж бүрэн шинэчлэл хийх шийдэл боловсруулах үүрэг салбарын сайд нарт өглөө.

Үндэсний аудитын газрын 2025 оны аудитын тайланд төрийн өмчийн компаниудын санхүүгийн тайланд нийт 8.4 их наяд төгрөгийн зөрчил илэрсэн бөгөөд үүнд албан шаардлага, төлбөрийн акт, хариуцлага тооцуулах арга хэмжээ авсан байна.

Баянгол дүүргийн Гандангийн дэнжийн 1.8 га газрыг тохижуулахад зориулан газар чөлөөлөх нэгж талбарын тоог 160 болгон нэмэгдүүлж, нөхөн олговор олгож байна. Мөн Сүхбаатар дүүргийн том оврын тээврийн хэрэгслийн зогсоолыг нүүлгэх ажил үргэлжилж байна.

2025 онд улсын хэмжээнд 2339 хүүхэд гэмт хэргийн улмаас хохирч, хүүхдээс үйлдсэн 1135 гэмт хэрэг бүртгэгдсэн байна. Цахим дээрэлхэлт болон үе тэнгийн дээрэлхэлтийн асуудал нэмэгдэж байгаа тул урьдчилан сэргийлэх ажлыг эрчимжүүлж байна.

2026 оны нэгдүгээр улиралд гадаадын иргэн, харьяатын газар 1579 гадаадын иргэнийг хамруулсан хяналт шалгалт хийж, 277 иргэнийг оршин суух зөвшөөрлийн зөрчилтэй холбоотойгоор албадан гаргасан байна.

Нийслэлийн шуурхай хуралдаанаар байгууллагууд ажлын 4 хоногийн долоо хоногт шилжих, төсвийн хэмнэлт гаргах, хот тохижилт, хөдөлгөөний аюулгүй байдал, нийгмийн халамжийн асуудлуудыг хэлэлцэв.

"The MongolZ" баг Румын улсын Бухарест хотод болсон "PGL Bucharest 2026" тэмцээнд гуравдугаар байр эзэлж, 150 мянган ам.долларын шагнал хүртлээ. Тэд дэлхийн чансааны тавд бичигдэж эхэлсэн байна.

Монгол Улсын Ерөнхийлөгч У.Хүрэлсүхийн санаачилсан "УИХ-ын гишүүнийг эгүүлэн татах тухай" хуулийн төслийг хэлэлцэх эсэхийг энэ долоо хоногийн пүрэв гарагт шийднэ. Төсөлтэй холбогдуулан олон нийтийн хоёр талын байр суурь байна.