Улсын аварга Ч.Санжаадамба сар шинийн босгон дээр Монгол Улсын гавъяат тамирчин цолоор шагнуулахаар болжээ. Тэрбээр улсын баяр наадам болон сар шинийн барилдаанд олон амжилт үзүүлсэн.

“The Hu” хамтлагийн хөгжимчин Г.Нямжанцанд Монгол Улсын Гавьяат Жүжигчин цол олгохоор шийдвэрлэжээ. Хамтлаг нь уламжлалт хөгжмийг рок урсгалтай хослуулан “Хүннү” рок урсгалыг бий болгосон.

Монгол Улсын Ерөнхий сайд Г.Занданшатар БНХАУ-ын Гадаад хэргийн дэд сайд Сүнь Вэйдунг хүлээн авч уулзаж, хоёр улсын Гадаад харилцааны дэд сайдын түвшний VII удаагийн стратегийн яриа хэлэлцээний үр дүнг хэлэлцэв.

Сар шинийн баярт зориулсан бөхийн цуврал барилдаанд 256 бөх оролцож, түрүү, үзүүрлэсэн бөхчүүдийн чансаа шинэчлэгдэн 83 бөх уламжлалт барилдаанд шууд барилдах эрх авлаа.

Сар шинийн баярын үед буузаа жигнэхдээ зориулалтын гялгар уут ашиглах нь хүний эрүүл мэндэд сөрөг нөлөөтэй тул мэргэжилтнүүд тослох аргыг санал болгож байна.

“Рио Тинто” групп, “Оюу толгой” ХХК болон Монгол Улсын Засгийн газар Оюу толгой төслийн өгөөжийг нэмэгдүүлэх, зээлийн хүү болон менежментийн зардлыг бууруулах талаар хэлэлцээг үргэлжлүүлж, энэ оны эхний хагаст шийдвэрлэхээр тохиролцов.

Хөвсгөл аймгийн Рэнчинлхүмбэ суманд мөсөн дээгүүр явж байсан автомашин хазайж, зорчигчид нь аюулгүй гарсан бөгөөд Онцгой байдлын алба хаагчид тэднийг эрүүл мэндийн төвд хүлээлгэн өгсөн байна.

Улсын бүртгэлийн газар болон Монголын ипотекийн корпораци мэдээлэл солилцоог цахимжуулах, иргэдийн үйлчилгээг хялбар болгох талаар хамтран ажиллахаар тохиролцов.

Увс аймгийн Иргэдийн Төлөөлөгчдийн Хурал Э.Насанбатыг Засаг даргад нэр дэвшүүлж, Ерөнхий сайдад уламжлахаар тогтов. Тэрбээр олонхын санал авсан байна.

Улсын Нэгдүгээр Төв Эмнэлгийн захирлын томилгоо хууль бус байсан талаар Улсын Дээд Шүүхийн шийдвэр гарч, одоо захирлын албан тушаалд сонгон шалгаруулалт явагдах гэж байна.