Цагдаагийн байгууллагаас шатахуун түгээгчийн биед халдсан этгээдэд Зөрчлийн тухай хуулийн дагуу 10 хоног баривчлах болон албан сургалтад хамруулах шийдвэр гаргасан байна.

Японы Йокохама хотын захирагч Такехару Яманака ажилтнууддаа доромжилсон үг хэллэг хэрэглэсэн талаар хүний нөөцийн албаны дарга мэдээлж, захирагч заримыг нь хүлээн зөвшөөрч уучлал гуйжээ.

Улаанбаатар хотод өвлийн цэцэрлэгт хүрээлэн байгуулах төсөл хэрэгжихээр төлөвлөж байна. Энэхүү цогц байгууламж жилд 180-240 мянган хүн хүлээн авах хүчин чадалтай байх юм.

Хангайн уулархаг болон говийн бүс нутгаар цасан шуурга шуурч, 20-ныг хүртэл хүйтний эрч чангарна. Жолооч нарт замын хөдөлгөөнд аюулгүй оролцохыг анхааруулж байна.

Чингэлтэй дүүргийн 3 дугаар хороонд "Урт цагаан" худалдаа, үйлчилгээний төвийн барилгыг нурааж, далд зогсоол бүхий цэцэрлэгт хүрээлэн, гурван давхар үйлчилгээний төвийг барьж, 2025 онд ашиглалтад хүлээлгэн өглөө.

Хөвсгөл аймгийн Чандмань-Өндөр сумын 320 хүүхдийн сургуулийн шинэ барилга ашиглалтад орж, хуучин барилгын эвдрэл, мөөгөнцрийн улмаас үүссэн эрүүл мэндийн эрсдэл арилж, сурагчид тохилог орчинд суралцаж эхэллээ.

Үндэсний уламжлалт спортыг хөгжүүлэх, ёс заншил, соёлын өвийг залууст өвлүүлэх зорилготой Үндэсний өвлийн спортын наадам нэгдүгээр сарын 22-25-нд болно. Тэмцээнд 21 аймаг, есөн дүүргийн 600 орчим тамирчин оролцохоор мэдүүлэг өгчээ.

Монгол Улсын Ерөнхийлөгчийн ивээл дор зохион байгуулагдах "Тэмээн дээрээс наран ойрхон" өвлийн их наадам, тэмээчдийн V зөвлөгөөн энэ сарын 24, 25-нд Дундговь аймагт болно. Наадамд тэмээний уралдаан, тэмцээнүүд зохион байгуулагдах бөгөөд тэмээн соёлыг түгээн дэлгэрүүлэхэд чиглэнэ.

Бурханхалдун хайрханд иргэдийн хөдөлгөөн өвөл нэмэгдсэнтэй холбоотойгоор морь унасан болон автомашинтай иргэдийг тусгай газарт байрлуулах зохицуулалт хийж, байгаль хамгаалагчид хог цэвэрлэх ажлыг гүйцэтгэж байна.

Нийслэлд үе тэнгийн дээрэлхэлтийн эсрэг гурван чиглэлээр үе шаттай арга хэмжээг хэрэгжүүлж эхэлсэн бөгөөд сурагчдын хувийн хэрэгт бүртгэл нэвтрүүлэх, хиймэл оюун ухаанд суурилсан хяналтын систем ашиглах зэрэг арга хэмжээг авч байна.