Нэгдүгээр сард ажлаа хүлээлгэн өгөх АНУ-ын Ерөнхийлөгч Жо Байден пүрэв гарагт /2024.12.12/ хүчирхийллийн бус гэмт хэрэг үйлдсэн 39 хүн, урт хугацаагаар хорих ял эдэлж буй 1,500 орчим хүний ялыг хөнгөлж буйгаа мэдэгдсэн байна. Тэрбээр өнгөрсөн долоо хоногт өөрийн хүү Хантер Байденд ямар ч нөхцөлгүйгээр өршөөл үзүүлэх тухай хуульд гарын үсэг зурсан.
Байден мэдэгдэл хийхдээ өршөөл үзүүлсэн хүмүүс нь одоогийн хууль тогтоомж, бодлого, үйл ажиллагаагаар ялласан бол илүү богино хугацааны ял сонсох байсан гэжээ. Өнгөрсөн долоо хоногт “Reuters” агентлагт эх сурвалжууд хэлэхдээ өршөөлийн хуульд хамруулах гэж буй хүмүүс нь хар тамхины хэргээр шийтгүүлсэн болон хүний эрхийн төлөөх бүлгүүд үндэслэлгүйгээр хоригдсон гэх хүмүүс багтсан гэж хэлсэн юм.
