АНУ-ын ерөнхийлөгчөөр сонгогдсон Доналд Трамп пүрэв гарагт /2024.12.12/ TIME сэтгүүлийн онц онцлох хүнээр тодорч, ярилцлага өгсөн юм. Ингэхдээ тэр Украин АНУ-ын зэвсгийг ашиглан ОХУ-ын газар нутагт гүн цохилт өгч буйг шүүмжилсэн байна.
Тэрбээр “Энэ бол галзуурал. Үнэхээр галзуурал. ОХУ-ын газар нутагт олон зуун километрийн зайд пуужин харвахтай би эрс санал нийлэхгүй байна. Яагаад тийм зүйл хийж байгаа юм бэ? Ингэхээр зүгээр л дайныг даамжруулж, нөхцөл байдлыг улам дордуулж байна. Анхнаасаа л тийм зөвшөөрөл олгох ёсгүй байсан юм” хэмээжээ.
