Өнгөрөгч оны 12 дугаар сард УИХ-аас Монгол Улсаас гадаад улсад суух 21 Элчин сайдын томилгоог дэмжиж, томилсон. Эдгээрийн дунд Монгол Улсаас Австралийн Холбооны Улсад суугаа Онц бөгөөд Бүрэн эрхт Элчин сайд Дамдинсүрэнгийн Даваасүрэнг эгүүлэн татаж, түүний оронд Гончигзэвэгийн Тэнгэрийг томилохоор болсон юм. Гэвч Г.Тэнгэр нь саяхан гэр бүлийн хүчирхийллийн хэрэгт нэр холбогдож, хуулийн байгууллагад шалгагдаж […]

Хот байгуулалт, барилга, орон сууцжуулалтын яам орон сууцжуулалтын тухай болон санхүүжилтийн банкны тухай хуулийн төслүүдийг боловсруулах хэлэлцүүлэг зохион байгууллаа. Хэлэлцүүлэгт орлогын түвшинд тохирсон орон сууцны төрөлт, иргэдийн оролцоо зэрэг асуудлыг авч хэлэлцэв.

Эрүүл мэндийн сайд Ж.Чинбүрэн, НҮБ-ын Хөгжлийн хөтөлбөрийн төлөөлөгч Матилда Димовска нар эмийн чанар, үнэд анхаарч, нэг эх үүсвэрээс чанартай, боломжийн үнэтэй эм худалдан авах санамж бичигт гарын үсэг зурлаа.

Нийтийн Тээврийн Бодлогын Газраас иргэдийн санал, гомдлыг хэрхэн шийдвэрлэснийг танилцуулж, зарим автобусны жолооч нарыг торгосон талаар мэдээлэв.

“Президент” спорт цогцолбор нь 58 мянган ам метр талбайд 20 гаруй төрлийн спортын үйл ажиллагаа явуулах бөгөөд өдөрт 4500-6000 хүүхэд, залуусыг хамруулах боломжтой. Төслийг Монгол, БНХАУ-ын хэлэлцээрийн хүрээнд буцалтгүй тусламжаар хэрэгжүүлнэ.

Цагдаагийн байгууллага банкны хуурамч аппликэйшн ашиглан иргэдийг залилан мэхлэх тохиолдол нэмэгдэж байгааг мэдээлэв. Онлайнаар мөнгө шилжүүлэхийн өмнө албан ёсны аппликэйшн ашиглахыг зөвлөж байна.

"Бүргэдийн баяр-2026" арга хэмжээ ирэх гуравдугаар сард "Дэлхийн аварга шалгаруулах тэмцээн" болж, олон улсын бүргэдчид оролцоно. Наадамд бүргэдээр ан хийх соёл, ур чадварын тэмцээн, соёлын тоглолт болно.

Дорнод аймгийн Хэрлэн суманд 13 настай охин орон сууцны дээвэр дээрээс үсрэх гэж байсныг Онцгой байдлын алба хаагчид ятган тайтгаруулан аюулгүй газар буулгасан байна.

Монгол Ардын намын дарга, УИХ-ын дарга Н.Учрал эрх чөлөөг хамгаалах, эдийн засаг, эрх зүй, ногоон хөгжил, авлигын эсрэг чөлөөлөлтийн дөрвөн чиглэлийг танилцуулж, намын шинэчлэлийн зорилгыг тодорхойлов.