Нийслэлд хаврын улирлын махны хэрэгцээнд зориулан 5000 тонн махыг есөн дүүргийн 375 цэгээр худалдаалж байна. Махны чанар, аюулгүй байдалд тогтмол хяналт тавьж байна.

2026 оны 1 дүгээр сарын 27-ны өдөр эрчим хүчний хэрэглээ өндөр байснаас 210 МВт цахилгааны хэрэглээг хязгаарлаж, шөнийн цагт хоёр цагийн хязгаарлалт хийжээ. Батарейн хуримтлуурын станцыг ашиглаж ачааллыг зохицуулж байна.

Засгийн газрын Хэрэг эрхлэх газрын дарга С.Бямбацогт болон нийслэлийн удирдлагууд “Багануур” ХК-д ажиллаж, нүүрсний уурхайг түшиглэн хагас коксон түлшний үйлдвэр байгуулах, технологийн парк байгуулах талаар хэлэлцэн шийдвэр гаргалаа.

Монгол Улс ирэх долдугаар сард Хүй долоон худагт "Дэлхийн адууны өдөр" арга хэмжээг зохион байгуулах бөгөөд 10 мянган морьтны парад, олон сонирхолтой үйл ажиллагааг багтаасан цогцолбор байгуулах юм.

БНСУ-ын иргэн Ж.Ч.Х нь Монгол Улсын иргэн Н.Э-ээс урьдчилгаа авсан машины төлбөрөө өгөөгүй тул шүүхэд нэхэмжлэл гаргасан бөгөөд шүүх худалдах-худалдан авах гэрээний харилцаа үүссэн гэж үзэн 185 сая төгрөгийг буцаан олгохоор шийдвэрлэлээ.

"Үнэн ба зөв" намын дарга А.Отгонбаатар Баянхонгороос Говь-Алтай руу явахдаа хурд хэтрүүлсэн нь батлагдаж, Замын цагдаагаас жолооны эрхийг 6 сараар хасаж, торгууль ногдуулсан байна.

Засгийн газраас үндэсний үйлдвэрлэгчдийг татварын таатай орчин бүрдүүлж, төрийн худалдан авалтад оролцоог нэмэгдүүлэхээр ажиллаж байна. Ерөнхий сайд Г.Занданшатар “Эх оронч худалдан авалт-Үндэсний үйлдвэрлэл 2026” үзэсгэлэнгийн үеэр дотоодын бүтээгдэхүүнийг худалдан авахыг уриаллаа.

Ахмадын холбоо дундаж тэтгэврийг 1.5 сая төгрөг болгох шаардлага тавьсан ч Гэр бүл, хөдөлмөр, нийгмийн хамгааллын сайд төсөвт ийм хэмжээний санхүүжилт байхгүйг мэдэгдэв.

Чингэлтэй дүүрэгт валют солиулах гэж 244 сая төгрөг шилжүүлсэн иргэн М залилангийн хохирогч болсон бөгөөд цагдаагийн байгууллагаас 123 сая төгрөгийг баривчилж, хэргийг шалгаж байна.