Хоёр тэрбумын хадгаламж, таван орон сууцтай шүүгчид хэн бэ?

УИХ-ын гишүүн Х.Нямбаатар өнгөрсөн даваа гарагт “Цензүргүй яриа” нэвтрүүлэгт орох үеэрээ захиргааны хэргийн шүүхийн шүүгч нар хөрөнгөжсөн хэмээн хэлсэн. Мөн зарим шүүгчийн дансанд сая ам.доллар, таван настай хүүхдийнх нь дансанд 500 сая төгрөг байна гэсэн мэдээллийг өгсөн.

Тэгвэл Шүүхийн ерөнхий зөвлөлөөс Монгол Улсын бүх шатны шүүхийн шүүгчийн хөрөнгө, орлогын мэдүүлгийг ил болгоод байна. 2017 оны хөрөнгө оруулгын мэдүүлэгт нийт 499 шүүгч хамрагдаж АТГ-т мэдүүлгээ өгчээ. Мэдүүлэгт тусгаснаар Монгол Улсын Дээд үүүхийн Ерөнхий шүүгч Ц.Зоригийн хадгаламж бэлэн мөнгө болон дасны үлдэгдэл нь 2016 онд 155 сая төгрөг байсан бол өнгөрсөн онд 190 сая төгрөг болон өсчээ. Түүнчлэн  Монгол Улсын Дээд шүүхийн шүүгч Ч.Хосбаярын нийт орлого 248 сая 392 мянган төгрөг. Тэрбээр “Land Rover” нэг, “Range Rover” нэг,”Toyota Highlander” нэг, “Toyota Land Cruiser 70” нэг, “Nissan Murano” нэг буюу нийт таван автомашинтай, дөрвөн орон сууцтай гэж мэдүүлжээ.

Улсын дээд шүүхийн шүүгч М.Батсуурийн нийт орлого 149 сая 921 мянга төгрөг бөгөөд өндөр орлоготой шүүгчдийн тоонд багтаж байна. Тус шүүхийн шүүгч Д.Ганзориг “Lexus 470” нэг ,”Toyota, Land Cruiser 80” нэг, “Toyota Prius” нэг, “Газ 66” нэг буюу нийт дөрвөн автомашинтай бол шүүгч Л.Атарцэцэг дөрвөн орон сууц, шүүгч Б.Батцэрэн дөрвөн орон сууц, шүүгч Ч.Тунгалаг, Х.Сонинбаяр нар тус тус дөрвөн орон сууцтай гэж мэдүүлжээ.

Нийслэл дэх Захиргааны хэргийн анхан шатны шүүхийн Захиргааны хэргийн шүүгч Н.Долгорсүрэн хөрөнгө орлогын мэдүүлэгтээ зургаан орон сууцтай хэмээн мэдүүлсэн нь бусад шүүгчдээс хамгийн олон орон сууцтайд тооцогдож байна.

Дүүргүүдийн Иргэний хэргийн анхан шатны шүүхийн шүүгч нарын дунд бусдаасаа өндөр орлоготой шүүгчдийн тоонд Хан-Уул дүүргийн Иргэний хэргийн анхан шатны шүүхийн шүүгч Ц.Оюунбилэг 115 сая 200 мянган төгрөгийн орлогоороо багтжээ. Мөн шүүгч Ж.Эрдэнэчимэгийн нийт орлого 139 сая 131 мянган төгрөг, Сүхбаатар дүүргийн Иргэний хэргийн анхан шатны шүүхийн Ерөнхий шүүгч М.Алдарын нийт орлого 114 сая 985 мянган төгрөг байна.

Чингэлтэй дүүргийн Эрүүгийн хэргийн анхан шатны шүүхийн Ерөнхий шүүгч Б.Мөнхбаярын нийт орлого 137 сая 118 мянган төгрөг ажээ. Нийслэлийн Иргэний хэргийн давж заалдах шатны шүүхийн шүүгч Б.Нармандахын нийт орлого 154 сая 768 мянган төгрөг бол Нийслэлийн Эрүүгийн хэргийн давж заалдах шатны шүүхийн шүүгч Д.Оюунчулууны нийт орлого 137 сая 21 мянган төгрөг байна. Нийслэлийн Захиргааны хэргийн анхан шатны шүүхийн Захиргааны хэргийн шүүгч Д.Оюумаагийн нийт орлого 159 сая 92 мянган төгрөг аж.

Орон нутагт Сүхбаатар аймаг дахь сум дундын иргэний хэргийн анхан шатны шүүхийн шүүгч Ш.Оюунгэрэлийн нийт орлого 105 сая 936 мянган төгрөг бөгөөд бусад орон нутгийн шүүгч нараас харьцангуй өндөр дүнтэй байгаа юм. Орон нутгийн шүүгч нараас хамгийн олон орон сууцтай буюу таван орон сууцтай хэмээн хөрөнгө орлогодоо мэдүүлсэн нь Өвөрхангай аймаг дахь Захиргааны хэргийн анхан шатны шүүхийн шүүгч Б.Сугар байв.

31 сэтгэгдэлтэй

  1. цалин нэмээд байхад шударга бус орлого нэмэгдээд байвал 2цалинг бууруул . хэрвээ бага цалинтай ажиллахгүй гэвэл ажиллах залуус зөндөө орлогын эх үүсвэрийг шалгаж тогтоох нь зөв

    Хариулах
  2. Ингэж л хахуулиар амьдарч амьдрал нь дээшилж байгаа учраас монголын хууль шүүхийн байгууллагын нэр хүнд унаад байгаа хэрэг шүү дээ.Энэ л хахуулийн үр дүнд Содномдаржаа,Чимгээ нарын гэмгүй иргэд хохирч үлдэж байгаа юм.Энэ Баттулга гэгч хууль шүүхийн талаар юуч хийхгүй лдээ.Хийе ч гэсэн чадал нь хүрэхгүй

    Хариулах
  3. hezee uhne gj iim hirungu huraadag nudnii bulai nar ym boldoo. 100 naslahgui baij 1000jiliin hurungu huraaj yandaa huurhis. “uhehgui ym shig amidrah hereggui” gej dalai lam helsen baidgiig neg sanahad iluudehguidee. hunii shualaa gj huurhii guitsegdehgui ymdaa.

    Хариулах
  4. Дээд шүүхийн шүүгч олон байртай болох энгийн арга нь орон сууцны мкв-ийн зөрүүтэй асуудлыг барилгын компанийн талд шийдэж өгөөд дахиад хэзээ ч хэн ч энэ асуудлаар шүүхэд хандахгүй болтол нь хага дарж өгөөд оронд нь тэр олон нэхэмжлэлийг хэргэсэхгүй болгосон ашгийн талын тал зардлаар байр өгдөг гэж хардаж байна.

    Хариулах
  5. ee burhan mine,ed nar yaj bairtai blood bnaa,elbegee gulug ih uuhshuleed bsan yumaa ed nariig,erne ed nariin shun taslana gej yu bsan yum,neg heregiig heder argaldag yum bol,mnaihan teneg martamhai da,udalgui l marttsan yabj bn da,ed nar tegel ineegel daraagiin munguu dansandaa hiine de,yasan ih shunal be,ter olon bair mashinaar yah gej bga yum bol taminee

    Хариулах
  6. shuugch nar jinhen novshnuud

    bazarvaani gej…..shuugch nar chin ymar bayn yum be.1 negnese ursulduud bdiin bish vv avilgal avch hurunguu ushuh gej….yun ter Bill giets ntr delhiin terbumtnuud hajuud ni juli yum bna.

    Хариулах
  7. шүүгч нарын одоо авч байгаа цалин бол яав ч 5, 6 байр машин авахаар цалин биш, яагаад баяжаад байгаа нь тодорхой бусуу

    Хариулах
  8. хүзүүгүй элбэгдорж хэрэгтэн лүндэндорж нарын тогтоосон шударга шүүхийн тогтолцоо ийм байна . Баттулга хүн амьтантай уулзалт хийж , ИХ-ыг тараах ажил хийж байхаар энэ шүүх прокурорын байгууллагатайгаа уулзаач, шинэчлээч. Сонгуулийн уулзалт шиг юм хийгээд л дэмийрээд явах вм, чадвар сэтгэл алга энэ хүнд , зантайчихаад тэнэг амьтанд хэрэггүй итгэж саналаа өгч дээ бид азгүй ч юм даа бид

    Хариулах
  9. тангарага өргөсөн эмч, цагдаа шиг адилхан цалингаа авч амьдар. Чадахгүй бол эмч, цагдаа нар ямар шийтгэл хүлээдэгтэй адил шийтгэлээ амс. Цалингаа голж байвал ажлаасаа гар. 1 шүүгчийн цалингаар 10 шүүгчийг цалинжуулбал ачаалал нь хөнгөрнө. 1 хэрэг дээр олон шүүгч ажиллах болохоор шударга бус зүйлд ам нэгдэхгүй.

    Хариулах

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.