Жирийн нэг төрийн албан хаагч “саятан” болж болох уу

2017 онд Авлигатай тэмцэх газарт нийт 242 албан тушаалтны хөрөнгө, орлогоо мэдүүлэх ёстойгоос албан үүргээ гүйцэтгэж буй 239 албан тушаалтан мэдүүлгээ өгсөн байна. Энэ удаагийн ХОМ-ээс харахад төрийн өндөр албан тушаалтнаас гадна аймгуудын Засаг дарга нарын ХОМ  нэлээд олны анхаарлыг татаж байгаа. Тодруулбал, Албан тушаалтнуудын ХОМ-ын мэдүүлгээс жишээ татахад  Сүхбаатар аймгийн Засаг дарга З.Энхтөр 940 сая төгрөгний үнэт эдлэлтэй хэмээн мэдүүлэг өгсөн бол, жилийн 253 сая төгрөгийн орлогоороо Завхан аймгийн Засаг дарга Д.Батсайхан, 440 сая төгрөгийн хадгаламжаараа Дорноговь аймгийн Засаг дарга Т.Энхтүвшин нар тэргүүлсэн байна. Харин хамгийн олон малаараа Нийслэлийн Засаг дарга С.Батболд тэргүүлжээ.  С.Батболдын хувьд  бод, бог нийлсэн 1,095 малтай аж. Үүнээс хурдан удмын 22 адуутай хэмээн мэдүүлсэн байна. Засаг дарга нарын бэл, бэлчинг захаас нь  сонирхуулахад нэг иймэрхүү байна. Бид энэ удаад 440 сая төгрөгийн хадгаламжаараа тэргүүлж байгаа Дорноговь аймгийн Засаг дарга Т.Энхтүвшингийн талаар мэдээллийг хүргэж байна.

Төмөртогоогийн Энхтүвшин нь Дорноговь аймгийн Сайншанд суманд 1973 онд төрсөн. Эхнэр  хүүхдүүдийн хамт амьдардаг. Эрх зүйч, нягтлан бодогч мэргэжилтэй.  Түүний хувьд 2016 оны 07 дугаар сараас Дорноговь аймгийн Засаг даргаар томилогдон ажиллаж эхэлсэн. Хадгаламжийн орлогоороо тэргүүлж байгаа Т.Энхтүвшинг олон нийт төдийлөн сайн танихгүй. Тэрбээр ажлын гараагаа 1996 онд Дорноговь аймгийн Санхүүгийн хяналт, шалгалтын газарт улсын ахлах байцаагч, хэлтсийн даргын албан тушаалаар эхэлж байсан. Түүнээс хойш 21 жил төрийн болон хувийн хэвшилд ажиллаж байгаа.  Тодруулбал,

1996-2001 онуудад онуудад аймгийн Санхүүгийн хяналт, шалгалтын газарт улсын ахлах байцаагч, хэлтсийн дарга,
2001-2002 онд аймгийн ЗДТГ-ын Санхүү, Төрийн сангийн хэлтсийн дарга,


2002-2004 онд аймгийн ЗДТГ-ын Стратеги, бодлого төлөвлөлтийн хэлтсийн дарга,
2004-2007 онд аймгийн ЗДТГ-ын дарга,
2004-2008 онд аймгийн ИТХ-ын төлөөлөгч,
2007-2011 онд аймгийн мэргэжлийн хяналтын газрын дарга,
2012-2012 онд Нийслэлийн Хан-Уул дүүргийн мэргэжлийн хяналтын газрын дарга,
2012-2014 онд Нийслэлийн мэргэжлийн хяналтын газрын Санхүү, Хөдөлмөр, Нийгмийн хамгааллын хяналтын хэлтсийн дарга,
2014-2015 онд Сайхан улаан оргил ХХК-ийн захирал, Бэл капитал ХХК-ийн ТУЗ-ийн дарга,
2015 оноос Дорноговь аймгийн Монгол Ардын Намын хорооны дарга
2016 оны 07 дугаар сараас Дорноговь аймгийн Засаг даргаар ажиллаж байгаа.

Түүний ажиллаж байсан түүхэн замналаас харахад ямар нэгэн хувийн бизнес эрхэлж байсангүй. Хувиараа бизнес эрхэлж байгаагүй мөртлөө 440 сая төгрөгний хадгаламжтай болох боломжтой юу. Т.Энхтүвшин хадгаламжаас гадна хоёр орон сууцтай, 25 сая төгрөгний үнэ бүхий үнэт эдлэлтэй, Toyota land cruiser 200,  Toyota lexus RX330-1 зэргийн автомашинтай бэл бэлчинтэй нэгэн. Харин гэр бүлийн жилийн орлого нь 69 сая төгрөгийн орлоготой. ХОМ-ээ ямар нэгэн бизнес эрхэлж байгаагүй хэмээн мэдүүлсэн мөртлөө энэ хэмжээний мөнгийг хуримтуулах боломжтой юу. Жирийн нэгэн жишээ дурьдахад насаараа төр болон хувийн хэвшилд ажилласан хүмүүс дундаж зэргийн унах унаатай, 2-3 өрөө байртай, хадгаламжиндаа цөөн тооны хэдэн төгрөгтэй байдаг жишээ маш олон байгаа. Энэ жишээнд  манай улсын дундаж давхарга тэр чигээрээ орно.  Гэтэл зарим нэг төрийн албан хаагч төрд шургалж хэдхэн жилийн дотор хэт баяжсан түүх олон байдаг. Энэ жишээг Дорноговь аймгийн Засаг дарга Т.Энхтүвшин давтсан уу. Аль эсвэл өөрийн хувийн бизнесээ нуун дарагдуулсан уу. Жирийн нэг төрийн албан хаагч "саятан"  болж болох уу.

Эх сурвалж Chuhal.mn

  • WordPress
  • Facebook

36 сэтгэгдэлтэй

  1. ернө дарга нар бол бүгд л иймэрхүү бгаашдээ хөөрхий нэгнийхэн явуулгал бнадаа Тогоон дотроо алалцаж байж мэдхэл юмдаа

    Хариулах
  2. хоёр газар хувьцаа эзэмшиж байгааг нь бичсэн хэрнээ хувийн бизнес эрхэлж байгаагүй нтр гэх нь нэг л үндэслэлгүй байна шүү бичих юм аа олоод бас нутгаа орноо хөгжүүлэх, хийж бүтээхийн төлөө өдөр шөнөгүй зүтгэж байгаа хүн рүү бага давшлаач гэж чам шиг хөлсний бичээчид хэлмээр байна.

    Хариулах
  3. Өмнө дарга нарыг бодвол Засаг дарга болсноосоо хойш 1хэн жилийн хугацаанд гадаад хамтын ажиллагааг сайжруулж аймагтаа маш олон бүтээн байгуулалтууд хийж байхад түүнийг нь харлуулах гэсэн хүмүүс байхын

    Хариулах
  4. Төрийн албаныхаа ажлыг чин сэтгэлээсээ хийж чадаж байвал боллоо. Одоо цагт дэндүү бие биеэ хардаж муу муухайгаар бичих нь өрөвдөлтэй. Энхтүвшин дарга та мундаг шүү. Таньд ажлын амжилт хүсэе.

    Хариулах
  5. Хэлсэн амандаа хүрлэггүй хөгийн эр шүүдээ мөнгөний улаан нэхээчдээ .НМХГ ажиллаж байхдаа хийсэн бохир мөнгө л биз.Дорноговийхнэн ийм хөгийн нөхрийг засагаар ажиллуулдаг харамсалиай.мөдхөн аймгаа ургаш зарж мэдэхл байхдаа…

    Хариулах
  6. Er ni sumiin zasag darga nar.g ch shalgadag bh heregtei. Sumand oligtoi hiisen zuilgvi baij genet hotod bair mashin awch huuhdee hot.n huwiin surguulid surgaj bga bdal il haragdaj bn.Holjih gj dargiin suudald sanaarhagch mash llon bn.Tsegtsleh tsag bolood bn aa.Mgl.chuud denduu hultsengvi handaad bn aa

    Хариулах
  7. УИХ-ын гишүүн Дэлгэрсайханд зодуулан зодуулан Аймгийн дарга хийж байгаа юм гэж сонссон. Дорноговьчууд ч өнгөрч дээ хөөрхий, наадуул чинь өөрсдийнхөө бизнесийг л бодно уу гэхээс иргэдийг бол нэг их бодохгүй байх.

    Хариулах
  8. Vvniig bichigch beltgegch ni boli odoo hangalttai yah gej ard olonoo tyrhiraad bga uym be iim uum bichij niitelj baihaar geree tseverleechee ger chini bohir baina Aimagiin darga zuv hvn bolson gej boddog tanig bolon ard tymniihee amidralig bvh l zuiliig 10 hyryy shigee meddeg hvn dee ynagan nytgiin hvv Aavinhaa turiin ajil ard tumnee gesen ajiliig sain hiine gedegt ergelzelgvi itgedegee

    Хариулах
  9. Энэ бол жинхэнэ авидлагч гацаагч нөхөр байна лээ. Ардчилсан намын үед авсан зөвшөөрлүүдээс өө хайгаад компаниудаас шантааж хийгээд байгаа. Яг ярихаар хуулийн ямар ч мэдлэг байхгүй ядарсан амьтан байна лээ дээ. Дэлгэрсайхан бид хоёр энэ аймгийн эзэн болсон ч гэх шиг харилцааны ёс зүйгүй нөхөр. Энэ нөхөр ёстой л аймгийн байтугай улсын нэр гутааж байна.

    Хариулах
    • Хоорондоо булаалддаг цаг өнгөрсөөн. Одоо том ахдаа өгдөг. Том ах нь Хужаад өгдөг болсон. Өгөхгүй бол том ах зоддогыншдээ. Манай засаг дарга том ахдаа олны нүдэн дээр хэд хэд зодуулаад авсаан. ИТХ- н дарга Түмэнбаяр ч нэг өшиглүүлээд авсан. Дарга нар маань хужаагийн гар хөл болсон амьтны гарын шүүр болоод явцгааж байна. Бодвол үргэлж зодоод байдаггүй хааяа мөнгө хөрөнгө өгдөг болоод тэсч байдаг байлгүйдээ

      Хариулах
  10. АТГ өөрөө шалгаж баталгаажуулах хэрэгтэй. Үнэхээр төрийн албан хаагч ингэж хөрөнгө цуглуулж болдог бол туршлагыг нь нийтийн хүртээл болгох хэрэгтэй.

    Хариулах
  11. Том ах бол Дорноговийн хаан. Тэр баруун солгойгүй мөнгө цацсан баян хүн шиг харагддаг ч буцаагаад маш сайн авч чаддаг. Одоо манай аймгийн дарга нар юу ч байсан том ахдаа өгдөг. Том ах нь Хужаад өгдөг болсон. Өгөхгүй бол том ах зоддогыншдээ. Манай засаг дарга том ахдаа олны нүдэн дээр хэд хэд зодуулаад авсаан. ИТХ- н дарга Түмэнбаяр ч нэг өшиглүүлээд авсан. Дарга нар маань хужаагийн гар хөл болсон амьтны гарын шүүр болоод явцгааж байна. Бодвол үргэлж зодоод байдаггүй хааяа мөнгө хөрөнгө өгдөг болоод тэсч байдаг байлгүйдээ

    Хариулах
  12. энэ нөхөр дандаа л хахууль авсан байна шүү дээ. яаж цалингаараа ийм их хөрөнгөтэй байхав дээ. шоронд хийх ёстой. Ер нь мэргэжлийн байцаагч нар бүгд хахууль авдаг. мэргэжлийн хяналтынхан бүгд хоорондоо холбоотой. Бүгдийг нь солих хэрэгтэй

    Хариулах

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.