2026 оны хоёрдугаар улирлын бие даалтын долоо хоногийг орон нутагт гуравдугаар сарын 23-наас 27-ны өдрүүдэд, нийслэлд гуравдугаар сарын 30-наас дөрөвдүгээр сарын 3-ны өдрүүдэд зохион байгуулах юм. Үндсэн зорилго нь суралцагчдад гамшиг, аюул ослоос өөрийгөө болон бусдыг хамгаалах мэдлэг олгох явдал юм.

“BLAST Open Spring 2026” тэмцээн өнөөдөр эхэлж, “The Mongolz” баг эхний тоглолтдоо сүүлийн таван удаа дараалан хожигдсон “MOUZ” багтай таарна.

“Pop Mart” компани болон “Sony Pictures” хамтран алдарт Лабубу хүүхэлдэйг сэдэвлэсэн киног бүтээж байгаа бөгөөд уг төсөл хөгжүүлэлтийн эхэн шатанд байна. Лабубу хүүхэлдэй дэлхий дахинд трэнд болж, компани нь зах зээлийн үнэлгээгээ нэмэгдүүлжээ.

Шадар сайд, Сангийн сайд нар гамшгийн голомтод үүрэг гүйцэтгэсэн онцгой байдлын алба хаагчдад аварсан хүний тоогоор мөнгөн урамшуулал олгох журмыг шинэчлэн баталлаа.

Казах үндэстний уламжлалт Наурызын баярт зориулсан 256 бөхийн барилдаан 2026 оны гуравдугаар сарын 21-нд Монгол бөхийн өргөөнд болно. Түрүү бөх автомашинаар шагнагдах юм.

"Spice Girls" хамтлаг 30 жилийн ойн аялан тоглолтоо цуцалсан талаар мэдээлэл гарлаа. Гишүүд дахин нэгдэх талаар тодорхой шийдвэр гараагүй бөгөөд ирээдүйд боломж гарвал эргэн нэгдэх магадлалтай гэжээ.

Сонгуулийн ерөнхий хороо 2026 онд аймаг, нийслэл, сум, дүүргийн Иргэдийн Төлөөлөгчдийн Хурлын 48 мандатад нөхөн сонгууль зохион байгуулахаар товлосныг танилцууллаа.

Нийгмийн даатгалын сангийн өр төлбөрт тооцон шилжүүлэн авсан 99 үл хөдлөх хөрөнгийн 62-ыг худалдан борлуулж, үлдсэн 11 хөрөнгийг шууд худалдаалж байна. Цаашид дуудлагын худалдаа зохион байгуулах юм.

Гэр бүл, хөдөлмөр, нийгмийн хамгааллын сайд Т.Аубакир хувийн нэмэлт тэтгэврийн тухай хуулийн төслийг өргөн мэдүүлж, олон эх үүсвэртэй тэтгэврийн тогтолцоог нэвтрүүлэхээр төлөвлөж байна.

1921 оны гуравдугаар сарын 18-ны өдөр Монголын ардын журамт цэргүүд Хиагтыг гамин цэргээс чөлөөлж, энэ тухай анхны цахилгаан мэдээг МОНТА агентлаг дамжуулсан нь Монгол Улсаас гадаад улсад илгээсэн анхны мэдээлэл байв.