БНСУ-ын Жинхэ хотод зохион байгуулагдаж буй олон улсын цэргийн хөгжмийн наадамд ЗХЖШ-ын үлээвэр найрал хөгжим оролцож байна. Наадам нь улс орнуудын эв нэгдэл, энх тайвныг хөгжмөөр дамжуулан илэрхийлэх зорилготой.

Төрхур сэргээн засах сувилал Богдхан уулын дархан цаазат газрын хамгаалалтын захиргаанд бугын сүрэгт зориулан 50 боодол өвс хандивлалаа.

Өмнөговь аймагт хугацаат цэрэг сураггүй алга болсон бөгөөд эрлийн баг олон төрлийн техник хэрэгсэл ашиглан эрэн хайх ажиллагаа явуулж байна. Түүнийг төөрсөн эсвэл осолдсон байж болзошгүй гэж үзэж байна.

Мэргэжлийн боксын 14 тулаан ялагдалгүй яваа Э.Цэндбаатар дөрөвдүгээр сард WBC аваргын бүсний төлөөх тулаанд оролцохоор болжээ. Түүний өрсөлдөгч тулаанаас татгалзсан байна.

Монгол Улсын Засгийн газар Бортээгийн ордыг эдийн засгийн эргэлтэд оруулахад зориулан хөрөнгө оруулалтын саналыг олон улсад нээлттэй зарлаж, 7 аж ахуйн нэгжээс 500 саяас 1 тэрбум ам.долларын саналууд ирүүлсэн байна.

ОХУ 2026 оноос бензиний экспортод хориг тавина. Монгол Улс ОХУ-тай газрын тосны бүтээгдэхүүний хамтын ажиллагааны хэлэлцээр байгуулснаар уг хоригт хамаарахгүй.