Ерөнхий сайд Г.Занданшатар төсвийн хөрөнгөөр хайгуул хийж, нөөцийг тогтоосон ордуудын үр өгөөжийг төр авч, ард түмэнд хүртээх нь зүй ёсны асуудал гэж онцлов. Үндэсний баялгийн сангийн хуримтлал, зарцуулалтын талаар хэлэлцэв.

Хүнс, хөдөө аж ахуй, хөнгөн үйлдвэрийн сайд М.Бадамсүрэн яамыг Дархан-Уул аймгаас нийслэл рүү буцаан нүүлгэх эсэхийг УИХ шийдэх ёстойг онцлов. Тэрбээр өмнөх шийдвэр хүний эрхэд нөлөөлсөн, судалгаа багатай байсан гэж үзэж байна.

Унгар Улсын ОТП банк Монголын банкны тухай хууль шинэчлэгдсэн тохиолдолд Монголд үйл ажиллагаа явуулах сонирхлоо илэрхийллээ. УИХ-ын дарга эрх зүйн шинэчлэлийг дэмжиж байгаагаа тэмдэглэв.

Энэ онд нийслэлийн хэмжээнд 4,729 га талбай буюу 20,218 нэгж талбарт газар чөлөөлөх жагсаалтыг гаргажээ. Газар чөлөөлөлтийн нөхөн олговорт нийслэлийн төсвөөс 200 тэрбум төгрөгийг зарцуулахаар баталсан билээ. Тодруулбал шинээр 41 байршилд 4,216 нэгж талбарт газар чөлөөлнө. Үүнээс Нэгдүгээр тойрог зам төслийн хүрээнд 3,029 нэгж талбарт газар чөлөөлж, үлдсэн байршлуудад трамвай, авто зам, нүхэн гарц, гүүрэн […]

Өнгөрсөн онд хорт хавдрын 40 орчим хувь нь эрт шатанд илэрсэн нь 2024 оныхтой харьцуулахад 3.7 хувиар нэмэгдсэн үзүүлэлт юм. Энэ нь эрт илрүүлгийн чанар сайжирсантай холбоотой гэж үзэж байна.

Ерөнхий сайдын үүргийн дагуу “Дулааны тавдугаар цахилгаан станц” төслийн газар шорооны ажлыг энэ сарын 15-наас эхлүүлэхээр төлөвлөж байна. Станц нь 300 мВт цахилгаан, 340 Гкал дулаан үйлдвэрлэх хүчин чадалтай юм.

2026 оны эхний сарын байдлаар өвөлжилт ихэнх нутгаар харьцангуй хэвийн байгаа бөгөөд малын тарга хүч олон жилийн дунджаас өндөр байна. Улсын хэмжээнд 13,000 гаруй мал хорогдсон мэдээлэл гарчээ.

Богдхан уулын Дархан цаазат газарт 1,964 иргэн, хуулийн этгээдэд 2,600 га талбай олгогдсон бөгөөд хашааны стандартыг мөрдүүлэхэд 620 орчим албан мэдэгдэл хүргүүлж, 43 нь стандартын бус хашаагаа буулгажээ. Газрын татварын өр 14 тэрбум төгрөг байна.

"Үнэн ба Зөв" нам 2024 онд Улс төрийн намын тухай хуулийн дагуу төрөөс олгох санхүүжилт авах эрхгүй болсон талаар Сонгуулийн ерөнхий хорооноос мэдээлэв.

Монгол Улсад жуулчин визээр ирсэн Гана улсын иргэнийг визийн хугацаа хэтрүүлсэн тул албадан гаргасан бөгөөд холбогдох хууль тогтоомжийн дагуу торгууль ногдуулж, хоёр жил дахин оруулахгүй байхаар шийдвэрлэв.