Хөвсгөл аймгийн Чандмань-Өндөр сумын 320 хүүхдийн сургуулийн шинэ барилга ашиглалтад орж, хуучин барилгын эвдрэл, мөөгөнцрийн улмаас үүссэн эрүүл мэндийн эрсдэл арилж, сурагчид тохилог орчинд суралцаж эхэллээ.

“Чингис хаан” олон улсын нисэх буудлын орчимд 315 га талбайд “Хүннү” дагуул хотыг байгуулж, олон улсын стандартад нийцсэн транзит зочид буудал барихаар төлөвлөж байна. Төслийн хүрээнд 600–1000 айлын орон сууц, нийгмийн дэд бүтэц барих ажлыг эхлүүлэхээр төлөвлөжээ.

Үндэсний уламжлалт спортыг хөгжүүлэх, ёс заншил, соёлын өвийг залууст өвлүүлэх зорилготой Үндэсний өвлийн спортын наадам нэгдүгээр сарын 22-25-нд болно. Тэмцээнд 21 аймаг, есөн дүүргийн 600 орчим тамирчин оролцохоор мэдүүлэг өгчээ.

Улаанбаатар хот 2026 онд бизнес эрхлэгчдийг дэмжих жил болгон зарлаж, инновацлаг төслүүдийг дэмжихээр ажиллаж байна. Төслүүдэд өвлийн цэцэрлэгт хүрээлэн байгуулах болон агаарын тээврийн дэд бүтцийн шинэчлэл багтжээ.

Монгол Улс орон сууцны ашиглалт, менежментийн эрх зүйн орчныг шинэчлэх зорилгоор дундын өмчлөлийн менежментийн тухай хуулийн төслийг танилцуулж, орчны болон дэвсгэр газрын өмчлөл, менежментийг сайжруулах зохицуулалтыг санал болгож байна.

Дакар ралли-2026 уралдааны 11 дэх гараанд Монгол тамирчид амжилттай оролцож, Э.Халиунболд ралли2 төрөлд 9-р байрт эрэмбэлэгдэв. Өнөөдрийн 12 дахь гараа 720 км үргэлжлэх юм.

Монгол Улсын Ерөнхийлөгчийн ивээл дор зохион байгуулагдах "Тэмээн дээрээс наран ойрхон" өвлийн их наадам, тэмээчдийн V зөвлөгөөн энэ сарын 24, 25-нд Дундговь аймагт болно. Наадамд тэмээний уралдаан, тэмцээнүүд зохион байгуулагдах бөгөөд тэмээн соёлыг түгээн дэлгэрүүлэхэд чиглэнэ.

Бурханхалдун хайрханд иргэдийн хөдөлгөөн өвөл нэмэгдсэнтэй холбоотойгоор морь унасан болон автомашинтай иргэдийг тусгай газарт байрлуулах зохицуулалт хийж, байгаль хамгаалагчид хог цэвэрлэх ажлыг гүйцэтгэж байна.

Засгийн газрын 2026 оны бодлого, зорилгыг орон нутгийн удирдлагуудтай уялдуулан хэрэгжүүлэх зорилгоор Засгийн газрын гишүүд, аймаг, нийслэлийн ИТХ-ын дарга, Засаг дарга нарын нэгдсэн уулзалт Төрийн ордонд зохион байгуулагдлаа.