Эрүүл мэндийн даатгалын сангаас нийслэлийн төрийн өмчийн 41 эмнэлэгт 2024 оны 1 дүгээр сард нийт 78 тэрбум төгрөгийн санхүүжилт олгосныг танилцууллаа.

Онцгой Байдлын Ерөнхий Газраас он гарснаас хойш зургаан удаагийн мөс цөмрөлт бүртгэгдсэн талаар мэдээлж, мөсөн дээр явахгүй байхыг анхаарууллаа.

Замын-Үүд дэх гаалийн газраас согтууруулах ундааны онцгой албан татварын хуурамч тэмдэг бүхий хууль бус барааг илрүүлэн таслан зогсоожээ. Иргэдийг үйлдвэрлэгч тодорхойгүй архи согтууруулах ундаанаас татгалзаж, хууль бус худалдаанаас болгоомжлохыг анхааруулж байна.

Тээврийн цагдаагийн алба энэ онд ослын газрыг орхин зугтсан 86 жолоочид эрх хасах болон торгууль ногдуулжээ.

Энэ жил ихэнх нутгаар агаарын температур олон жилийн дунджаас хүйтэн байж, өвөлжилт хүндрэн малчдын тэжээлийн зардал нэмэгдсэн талаар мэдээлэл гарчээ.

Баянзүрх дүүргийн 22 дугаар хороонд автомашины кузов засварын газар шатаж, ойролцоох нийтийн байрны хэсэг болон гурван автомашин бүрэн шатсан байна. Онцгой байдлын алба гал унтраах ажиллагааг амжилттай гүйцэтгэсэн.

Монгол Улс өнгөрсөн жил Вьетнам Улсад 100 тонн ямааны мах экспортолж, Вьетнамчууд монгол махаар дөрвөн төрлийн бүтээгдэхүүн үйлдвэрлэн зах зээлд гаргасан байна.

Ус цаг уур, орчны судалгаа, мэдээллийн хүрээлэн 2026 оны гуравдугаар сараас тавдугаар сар хүртэлх цаг агаарын урьдчилсан төлөвийг танилцууллаа. Нутгийн зарим хэсгээр дулаан, хур тунадасны хэмжээ харилцан адилгүй байх төлөвтэй байна.

Сэлэнгэ аймгийн Цагааннуур сум нарны эрчим хүчний төсөл хэрэгжүүлснээр цахилгааны хязгаарлалтаас үл хамааран тогтой байна. "ДСЦТС" ХК энэхүү төслийг туршилтын шатанд хэрэгжүүлж байна.

Хууль зүй, дотоод хэргийн сайд Б.Энхбаяр Баянхонгор аймагт ажиллах үеэрээ "Нүүрсний хулгай"-д ял сонссон зарим этгээд хангалттай ял аваагүй гэж мэдэгдэв.