Улсын Их Хурлын Эдийн засгийн байнгын хороо стратегийн ач холбогдол бүхий бүтээгдэхүүний хангамж, нийлүүлэлтийг дэмжих тухай хуулийн төслийг хэлэлцэхийг дэмжлээ. Төслийн зорилго нь шатахууны тогтвортой нөөц бүрдүүлж, эрсдэлийг бууруулахад чиглэж байна.

“Оюу толгой” ХХК-ийн Төлөөлөн удирдах зөвлөл Сүхбаатарын Мөнхсүхийг Гүйцэтгэх захирлаар томилж, тэрбээр 2026 оны хоёрдугаар сарын 1-нээс үүрэгт ажлаа эхлүүлэхээр боллоо.

“Мимо агро парк” бүрэн автомат хүчит тэжээлийн үйлдвэр ашиглалтад орж, өдөрт 50 тонн тэжээл үйлдвэрлэх хүчин чадалтай боллоо. Үйлдвэр орон нутагт 25-30 ажлын байр бий болгож, малчид, фермерүүдийн өвөлжилтийг дэмжихэд чиглэсэн.

Монголбанкны Ерөнхийлөгч Б.Лхагвасүрэн “Catalyst Awards-2025” шагнал гардуулах ёслолоос “Шилдэг эдийн засагч” шагналыг хүртлээ. Тэрбээр Монгол Улсын зээлжих зэрэглэлийг ахиулах, инфляцыг тогтворжуулах, банкны салбарын зээлийг тэлэх зэрэг салбарт амжилт гаргасан байна.

УИХ-ын дарга Н.Учрал "Эрдэнэс Монгол нэгдэл"-ийн гүйцэтгэх захирал С.Наранцогтыг Монголбанкны ерөнхийлөгчөөр томилох саналаа бүлэгтээ танилцуулсан байна.

Аж үйлдвэр, эрдэс баялгийн сайд Г.Дамдинням шатахууны нөөц, нийлүүлэлтийн асуудал хэвийн болсон талаар мэдээлж, шинэ бодлогын арга хэмжээг ирэх жилээс хэрэгжүүлэхээр төлөвлөж байгааг танилцууллаа.

2025 оны 11 дүгээр сарын 19-ний байдлаар Монгол Улсад шатахууны нөөц хангалттай, нийлүүлэлт тогтвортой байгааг Аж үйлдвэр, эрдэс баялгийн яам мэдээллээ.

НӨАТ-ын урамшууллын сугалааны тохирол 2025 оны 11 дүгээр сарын 19-нд 13:00 цагт Ebarimt аппликэйшн болон Боловсрол суваг телевизээр шууд явагдана.

Аж үйлдвэр, эрдэс баялгийн яам шатахууны нөөц, нийлүүлэлт хэвийн байгааг мэдээлж, газрын тос боловсруулах үйлдвэр 2028 оны эхний улиралд ашиглалтад орох төлөвтэйг мэдэгдэв.

2025 оны 11 дүгээр сарын 17-ны байдлаар улсын хэмжээнд АИ-92 автобензин 174 вагон байгаа бөгөөд импорт, тээвэрлэлтийн нөхцөл байдал хэвийн байна гэж Аж үйлдвэр, эрдэс баялгийн яам мэдээлэв.