Сэлэнгэ аймгийн Цагааннуур сум нарны эрчим хүчний төсөл хэрэгжүүлснээр цахилгааны хязгаарлалтаас үл хамааран тогтой байна. "ДСЦТС" ХК энэхүү төслийг туршилтын шатанд хэрэгжүүлж байна.

2025 онд өргөн мэдүүлсэн татварын багц хуулийн нэмэлт, өөрчлөлтүүд 2027 оноос хэрэгжиж, татварын ачааллыг бууруулах, жижиг дунд бизнесийг дэмжих, НӨАТ-ын хөнгөлөлтийг нэмэгдүүлэх зорилготой юм.

2026 оны 1 дүгээр сарын 29-ний байдлаар Эмээлт захад ямааны арьс Хангайн, Говийн, Төвийн бүсүүдэд 55,000-60,000 төгрөгийн үнэтэй байна. Мөн бусад шир, нэхийний үнэ тогтмол байна.

Монгол Улсаас АНУ, Швед, Швейцар, БНСУ руу хэвийн боов, еэвэн тогтмол экспортолж байгаа бөгөөд АНУ руу хийж буй экспорт 2025 онд хоёр дахин өссөн байна. Мөн АНУ-д Монгол гаралтай иргэдийн тоо сүүлийн таван жилд 51 хувиар нэмэгджээ.

Санхүүгийн зохицуулах хороо хэрэглээний болон цахим аппликэйшнээр олгодог зээлийн давхардлыг бууруулах зорилгоор "Банк бус санхүүгийн зээлийн үйл ажиллагааны журам"-д нэмэлт, өөрчлөлт хийв.

Засгийн газрын хуралдаанаар Нийгмийн даатгалын сангийн чөлөөт үлдэгдлээс Засгийн газрын урт хугацаат бонд, Монголбанкны үнэт цаас худалдан авахад зарцуулах хөрөнгийн хэмжээг 2026 онд 300 тэрбум төгрөг хүртэл байхаар баталлаа.

2026 оны 1 дүгээр сарын 27-ны өдөр эрчим хүчний хэрэглээ өндөр байснаас 210 МВт цахилгааны хэрэглээг хязгаарлаж, шөнийн цагт хоёр цагийн хязгаарлалт хийжээ. Батарейн хуримтлуурын станцыг ашиглаж ачааллыг зохицуулж байна.

Засгийн газрын Хэрэг эрхлэх газрын дарга С.Бямбацогт болон нийслэлийн удирдлагууд “Багануур” ХК-д ажиллаж, нүүрсний уурхайг түшиглэн хагас коксон түлшний үйлдвэр байгуулах, технологийн парк байгуулах талаар хэлэлцэн шийдвэр гаргалаа.

Засгийн газраас үндэсний үйлдвэрлэгчдийг татварын таатай орчин бүрдүүлж, төрийн худалдан авалтад оролцоог нэмэгдүүлэхээр ажиллаж байна. Ерөнхий сайд Г.Занданшатар “Эх оронч худалдан авалт-Үндэсний үйлдвэрлэл 2026” үзэсгэлэнгийн үеэр дотоодын бүтээгдэхүүнийг худалдан авахыг уриаллаа.

2026 оны нэгдүгээр сарын 26-ны байдлаар Улаанбаатар хотод гол нэрийн зарим барааны үнэ өмнөх сараас 5.9 хувиар, өмнөх 7 хоногоос 0.7 хувиар нэмэгдсэн байна.