Насанд хүрэгчдийн Ази тивийн шатрын аварга шалгаруулах тэмцээн 5 дугаар сарын 28-наас 6 дугаар сарын 7-ны хооронд Улаанбаатар хотод зохион байгуулагдана. Тэмцээнд Азийн 27 улсын 240 гаруй шатарчин оролцох бөгөөд ялагчид 2027 оны Дэлхийн цомд оролцох эрх авна.

Шинжлэх ухааны академийн Археологийн хүрээлэн болон Мичиганы их сургуулийн хамтарсан баг Хөвсгөл аймгийн Арбулаг суманд Монголын эзэнт гүрний үеийн долоон булшийг малтан судалж, үнэт олдворууд илрүүлжээ.

Хүн амын хоол тэжээлийн үндэсний судалгаагаар Монгол хүүхдүүдийн 13.6-24.5 хувь нь илүүдэл жинтэй байна. Чихэрлэг бүтээгдэхүүний хэрэглээ таргалалтад нөлөөлж, хүүхдийн бэлгийн багцад их хэмжээний сахар агуулагддаг гэж НЭМҮТ анхаарууллаа.

Энхтайваны өргөн чөлөө, Хархорин захыг Яармагтай холбох Дүүжин замын тээврийн төслийн барилга угсралтын ажил 70 гаруй хувьд гүйцэтгэлтэй байна. Ган татлагыг холбох ажил үргэлжилж байна.

Тээврийн хэрэгслийн албан татвар төлөх хугацаа зургаадугаар сарын 1-нээс өмнө дуусах бөгөөд төлөөгүй тохиолдолд торгууль, алданги ногдуулна гэж Татварын ерөнхий газар анхаарууллаа.

Засгийн газрын хуралдаанаар боловсролын салбарт 300 мянган компьютер худалдан авах, төрийн өмчит 10 компанийг татан буулгах зэрэг шийдвэрүүдийг баталлаа. "Эрдэнэс Монгол" нэгдлийг хөрөнгийн удирдлагын мэргэжлийн байгууллага болгох төлөвлөгөөтэй байна.

Авлигатай тэмцэх газрын ажлын хэсэг хүүхдийн зуслангийн өмч хувьчлал, гэрээний хэрэгжилтэд хяналт шалгалт хийж, хууль бус хувьчлал, зориулалтын бус ашиглалтын зөрчил илэрсэн талаар мэдээлэв.

Засгийн газрын тогтоолын дагуу 2026 оны зургаадугаар сарын 1-нээс эхлэн нас барсан иргэний "Эрдэнэс Тавантолгой" ХК-ийн хувьцаа болон ногдол ашгийг хууль ёсны өвлөгчид шилжүүлж эхэлнэ.