Малайз улсад амь насаа алдсан иргэний хэргийн шүүхийн шийдвэртэй холбогдуулан Монгол Улсын Засгийн газраас ажлын хэсэг байгуулж, ахлагчаа сольсон талаар мэдээллээ.

УИХ татварын хуулийн нэмэлт, өөрчлөлтийн төслийг хэлэлцэн, иргэн, аж ахуйн нэгжийн татварын ачааллыг бууруулах зорилгоор 2.2 их наяд төгрөгийн татварын дэмжлэг үзүүлэхээр тогтов.

Хуульч О.Батхүү санаачилсан үл хөдлөх хөрөнгө борлуулахад ногдуулах хоёр хувийн татварыг хүчингүй болгох өргөдлийг 100,000 иргэн дэмжиж, Засгийн газар уг асуудлыг хэлэлцэж байна.

АТГ-аас Замын-Үүд дэх Гаалийн газрын албан тушаалтнууд болон холбогдох аж ахуйн нэгжүүдэд хахууль авсан байж болзошгүй эрүүгийн хэрэгт мөрдөн шалгах ажиллагаа явуулж, гурван сэжигтнийг баривчилжээ.

Засгийн газрын шийдвэрээр “Эрдэнэс Тавантолгой” ХК-ийн нас барсан иргэдийн хувьцаа, ногдол ашгийг үр хүүхэд, гэр бүл нь өвлөн авах боломж бүрдлээ. Шийдвэр 2024 оны 6 дугаар сарын 1-нээс хэрэгжинэ.

Төв аймгийн Мөнгөнморьт суманд цэргийн албан хаагч боомилж нас барсан тухай дуудлага ирсэн бөгөөд шалтгааныг тодруулах шалгалт үргэлжилж байна.

Нийслэлийн Засаг даргын захирамжаар стандарт бус хашаа, гараашийг буулгаж, нийтийн эзэмшлийн гудамж, талбайг чөлөөлөх арга хэмжээ үргэлжилж байна. Энэ онд зургаан дүүргийн 161 байршилд хашаа, долоон дүүргийн 34 байршилд гарааш буулгах төлөвлөгөөтэй.

Жил бүрийн тав болон есдүгээр сарын бямба, ням гаргуудыг "Тэрбум мод тарих үндэсний өдөр" болгон зарлаж, мод тарих ажлыг дэмжих зорилгоор "Тэрбум мод экспо" үзэсгэлэн худалдааг дөрөвдүгээр сарын 25-наас тавдугаар сарын 15-ны хооронд зохион байгуулж байна.