Монголын Хөдөлмөрийн баатар, гавьяат тамирчин Э.Содномпилжээ Тайландын Бангкок хотод болсон Пара пауэрлифтингийн Азийн аварга шалгаруулах тэмцээнд 236 кг өргөж алтан медаль хүртлээ.

Улаанбаатар хотын зургаан дүүргийн орон сууцны хороолол доторх 18.2 км авто замыг 2026 онд нийслэлийн төсвийн 20.6 тэрбум төгрөгөөр засаж шинэчлэхээр төлөвлөжээ.

"Солонго 1,2" төслийн 5002 айлын 60 гаруй хувь нь гүйцэтгэл сайтай явж байгаа бөгөөд 2500 айлын орон сууцыг наадмын дараа Улсын комисст хүлээлгэхээр төлөвлөж байна.

"Тамгагүй төр" жүжиг дэлхийн театрын төв цэг Бродвейд тоглогдох бөгөөд Nederlander Organization-ийн удирдлагууд Монголд айлчлах төлөвлөгөөтэй байна.

Ерөнхий сайд Н.Учрал Эрүүл мэндийн сайд Э.Батшугарт эмийн жагсаалтыг шинэчлэх, эмийн худалдан авалт, хяналтыг сайжруулах үүрэг өглөө. Тэрбээр ард иргэдийн өдөр тутам хэрэглэдэг эмийг жагсаалтад оруулахыг онцлов.

Хөдөө аж ахуйн салбарт 200 тэрбум төгрөгийн хөнгөлөлттэй зээлийг олгохоор төлөвлөж байна. Зээлийг улаан буудай, хүнсний ногоо тариалахад зориулан арилжааны банкуудаар дамжуулан олгох юм.

“Дэлхийн мөнгөний долоо хоног-2026” аяны хаалтын арга хэмжээ Баянхонгор аймагт амжилттай болж, 1000 гаруй хүүхэд, залуучууд оролцлоо. Аяны хүрээнд хадгаламжийн эрхийн бичиг гардуулсан тэмцээн зохион байгуулагдсан байна.

Улаанбаатар хотод өдөрт дунджаар 37 мянган скүүтер, цахилгаан дугуй замын хөдөлгөөнд оролцож байгаа бөгөөд Тээврийн цагдаагийн алба замын хөдөлгөөний дүрмийг чанд мөрдөхийг уриалж байна.

“Эрдэнэс Монгол” болон Энэтхэгийн төлөөлөгчид Монгол Улсаас коксжих нүүрсийг туршилтаар Энэтхэг рүү тээвэрлэх, хамтарсан ажлын хэсэг байгуулах талаар хэлэлцэв. Энэтхэгийн SAIL компани Монголын нүүрсийг худалдан авах хүсэлт илэрхийлсэн байна.