Ерөнхий сайд асан Л.Оюун-Эрдэнэ ХЗДХ-ийн сайд Б.Энхбаярыг "Бодь" группээс 500 мянган ам.доллар авсан хэргээр Авлигатай тэмцэх газарт шалгуулахаа мэдэгдлээ. Б.Энхбаяр уг мэдээллийг үгүйсгэж, гүтгэлэг хэмээн хариулав.

2024 оны долоодугаар сараас эхэлсэн улаан бурхны халдварын улмаас Дорнод, Хөвсгөлд хоёр хүүхэд нас барсан бөгөөд нийт 14,326 тохиолдол бүртгэгдсэн байна. Нас баралтын ихэнх нь нэг нас хүрээгүй хүүхдүүд байна.

АНУ газрын тосны үнийн өсөлтийг сааруулахын тулд стратегийн нөөцөөсөө 172 сая баррель газрын тос гаргах шийдвэр гаргажээ. Энэ нь олон улсын эрчим хүчний агентлагтай зөвшилцсөний үндсэн дээр хийгдэх аж.

Гамшигт өртөж амь насаа алдсан малчны ар гэрт хөдөлмөрийн хөлсний доод хэмжээг 48 сараар тооцсон буцалтгүй тусламж олгох журмыг баталлаа.

Боловсролын сайд П.Наранбаяр Засгийн газрын хуралдаанд 16 насанд хүрээгүй хүүхдийг нийгмийн сүлжээнд бүртгэхийг хязгаарлах хуулийн төслийн талаар танилцууллаа. Төсөл нь хүүхдийн мэдээллийн аюулгүй байдлыг хамгаалах зорилготой юм.

Хөвсгөл нуурын мөсөн дээр зорчихыг хориглосон шийдвэрийг зөрчиж осолдсон иргэд аврах ажиллагааны зардлыг бүрэн төлөх үүрэгтэй бөгөөд Онцгой байдлын байгууллага урьдчилан сэргийлэх ажлыг эрчимжүүлж байна.

Монгол Улс 2026 онд найман олон улсын, тив, дэлхийн чанартай спортын тэмцээн зохион байгуулахаар төлөвлөж, санхүүжилтийг Соёл, спорт, аялал жуулчлал, залуучуудын сайдын төсвөөс гаргана.

Засгийн газар төрийн өмчийн орон сууцыг иргэдэд хөлслүүлэх, өмчлөх, борлуулах журмыг баталж, төрийн албан хаагчийн квотыг 35 хувь, эмч, багш нарын квотыг 20 хувь байхаар тогтоолоо.

Хууль зүй, дотоод хэргийн яам орон сууцны захиалгатай холбоотой луйвар, залилангийн асуудлыг шийдвэрлэх Газрын тухай хуульд нэмэлт, өөрчлөлт оруулах хуулийн төслийг боловсруулж УИХ-д өргөн барихаар бэлтгэж байна.

Улаанбаатар хотод нөөцийн үхэр, хонины махыг жижиглэн болон өргөтгөсөн худалдаагаар тавдугаар сарын 31-нийг хүртэл борлуулна. Энэ жил 5,000 тонн мах бэлтгэснээс 40 хувь нь үхрийн мах байна.