Баян-Өлгий аймгийн Цэнгэл суманд хууль бусаар хүрэн баавгай агнасан хэрэг цагдаагийн байгууллагаар илрүүлэгдэж, холбогдох хуулийн дагуу хохирлыг төлүүлэх, хариуцлага хүлээлгэх ажиллагаа явагдаж байна.

Нийслэлийн Иргэдийн төлөөлөгчдийн хурал 2026 оны төсөвт тодотгол хийж, орлогыг 5.4 их наяд төгрөг болгон нэмэгдүүлэхээр төлөвлөжээ. Гэсэн хэдий ч зарлага 6-6.5 их наяд төгрөгт хүрч, алдагдал үүсэх эрсдэлтэй байна.

Баянзүрх, Сүхбаатар, Чингэлтэй дүүргийн эрүүгийн шүүх 2026 оны 01 сарын 23-нд Ц.Санжаачойпэл, Э.Тэмүүлэн, Б.Алтан-Очир, Б.Амарсайхан нарт холбогдох хэргийг хэлэлцэн зорчих эрх хязгаарлах болон торгох ял оноосон байна.

2026 оны "Оюутан цэрэг" хөтөлбөрт бүртгэл 3 дугаар сарын 1-ээс 10-ны хооронд E-Mongolia системээр явагдана. Хөтөлбөрт I, II, III дамжааны оюутнууд хамрагдах боломжтой болсон.

Цаг уурын шинжилгээний газраас энэ сарын 25-28-ны хооронд ихэнх нутгаар цас орж, салхи шуурах төлөвтэй байгааг мэдээллээ. Иргэд, жолооч нарт замын хөдөлгөөнд болгоомжтой оролцохыг зөвлөж байна.

Оюу Толгой ХХК-д хүнгүй агаарын хөлгийн үйл ажиллагаанд зориулсан зөвшөөрлийн гэрчилгээг Иргэний нисэхийн ерөнхий газраас олгож, холбогдох хяналт шалгалтыг амжилттай зохион байгууллаа.