2025 онд өргөн мэдүүлсэн татварын багц хуулийн нэмэлт, өөрчлөлтүүд 2027 оноос хэрэгжиж, татварын ачааллыг бууруулах, жижиг дунд бизнесийг дэмжих, НӨАТ-ын хөнгөлөлтийг нэмэгдүүлэх зорилготой юм.

2026 оны 1 дүгээр сарын 29-ний байдлаар Эмээлт захад ямааны арьс Хангайн, Говийн, Төвийн бүсүүдэд 55,000-60,000 төгрөгийн үнэтэй байна. Мөн бусад шир, нэхийний үнэ тогтмол байна.

Улсын Их Хурлын ажлын хэсэг үл хөдлөх хөрөнгө борлуулахад ногдуулдаг 2 хувийн татварыг хүчингүй болгох асуудлыг судалж, холбогдох хуулийн төслийг боловсруулах үүрэгтэйгээр байгуулагдлаа.

Өнөөдөр Алтайн өвөр говь, Хэнтийн уулархаг нутаг болон Сэлэнгэ, Хараа, Тэрэлж, Хэрлэн голын хөндийгөөр цас орно. Маргааш говийн нутгийн өмнөд хэсгээр цас орох төлөвтэй байна.

Монгол Улсаас АНУ, Швед, Швейцар, БНСУ руу хэвийн боов, еэвэн тогтмол экспортолж байгаа бөгөөд АНУ руу хийж буй экспорт 2025 онд хоёр дахин өссөн байна. Мөн АНУ-д Монгол гаралтай иргэдийн тоо сүүлийн таван жилд 51 хувиар нэмэгджээ.

Улаанбаатар хотын захирагчийн албанаас сар шинийн баярыг угтан бүх нийтийн цэвэрлэгээг зохион байгуулж, оролцоогүй аж ахуйн нэгжүүдийг Зөрчлийн хуулиар хариуцлага тооцохоор болжээ.

Ухаалаг камерын систем нэвтрүүлснээр гэрлэн дохиог зөв тохируулж, удирдах тоог 50 хувиар бууруулж, тэнцвэртэй зорчилтыг бий болгожээ.

Филиппиний мэргэжлийн ругбигийн тамирчин Justin Coveney "Physical Asia" шоунд оролцсоныхоо дараа Монголд ирж, Чингисийн музейгээр зочилжээ.

Өмнөд Солонгосын тэргүүн хатагтай асан Ким Гон Хи Нэгдлийн сүмээс хахууль авсан хэрэгт буруутгагдан 1 жил 8 сарын хорих ял сонссон байна.

Энэ сард зохион байгуулсан хяналт шалгалтын хүрээнд 12 улсын 78 иргэнийг виз, оршин суух зөвшөөрлийн хугацаа хэтрүүлсэн, эрх бүхий байгууллагын зөвшөөрөлгүй хөдөлмөр эрхэлсэн зэрэг үндэслэлээр Монгол Улсаас албадан гаргасан байна.