Татварын багц хуулийн нэмэлт, өөрчлөлт 2027 оноос хэрэгжинэ
2025 оны 12 дугаар сарын 30-нд Татварын ерөнхий хуульд нэмэлт, өөрчлөлт оруулах тухай болон холбогдох бусад хуулийн төслүүдийг өргөн мэдүүлсэн байна. Энэхүү өөрчлөлт нь Засгийн газрын 2025 онд хэрэгжүүлэх зорилтын нэг хэсэг бөгөөд ААНОАТ болон ХХОАТ-ын хуульд өөрчлөлт оруулахыг зорьж байна.
Өөрчлөлтийн хүрээнд ХХОАТ-ын хэмжээг 2 их наяд төгрөгөөр, ААНОАТ-ын ачааллыг 700 орчим тэрбум төгрөгөөр үе шаттай бууруулах төлөвлөгөөтэй байна. Мөн жижиг, дунд бизнесийг дэмжих зорилгоор 400 сая төгрөг хүртэл орлоготой ААН-д зориулсан татварын 90 хувийн хөнгөлөлт болон хялбаршуулсан татварын горимыг нэвтрүүлэхээр тусгасан.
НӨАТ-ын хөнгөлөлт, чөлөөлөлтийг нэмэгдүүлэхээр төлөвлөсөн бөгөөд 2027 оноос эхлэн 500 мянган төгрөг хүртэлх худалдан авалтад 100 хувь, 500 мянгаас нэг сая төгрөг хүртэлх худалдан авалтад 50 хувь, түүнээс дээш үнийн дүнтэй худалдан авалтад 20 хувийн татварын хөнгөлөлт үзүүлэхээр хуульд тусгажээ.