Сэлбэ голын үерийн хамгаалалтын далангийн ажил 2023 оноос эхэлж, одоогоор 88 хувьтай үргэлжилж байна. Үерийн хамгаалалтын далангийн төслийн хүрээнд тохижилтын ажил удааширсан ч ирэх гуравдугаар сараас үргэлжлэхээр төлөвлөжээ.

Нэгдүгээр сарын 6-нд хоёр хүн автомашин дотор угаартаж нас барсан бөгөөд ЦЕГ-аас өвлийн улиралд автомашинаа хучлагатай асаахгүй байхыг анхааруулж байна.

2024 оноос нийслэлийн 1-5 дугаар ангийн 189,600 хүүхэд “Сүүн дархлаа” хөтөлбөрт хамрагдаж, долоо хоногт 2-3 өдөр сүү тогтмол ууна. Хөтөлбөрийн үр дүнд хүүхдийн дархлаа сайжирч, өсөлт хөгжилд эерэг нөлөө үзүүлж байна.

Засгийн газар Бортээгийн ордыг эдийн засгийн эргэлтэд оруулахад олон улсын нээлттэй санал авах ажиллагааг эхлүүлэхээр шийдвэрлэлээ. Энэ нь Тавантолгойн бүлэг ордын ашиглагдаагүй хэсгийг ашиглах, иргэдийн эрх ашгийг хамгаалах зорилготой юм.

Иргэдийг 6 оронтой баталгаажуулах кодыг авах оролдлого ихэссэнтэй холбоотойгоор цахим орчны аюулгүй байдлаа сахиж, хувийн мэдээллээ хамгаалахыг цагдаагийн байгууллага анхааруулж байна.

Цахим гадаад паспортыг 2023 оны гуравдугаар сараас эхлэн олгож эхэлсэн бөгөөд иргэд визгүй зорчих орнуудын хил дээр дараалал үүсгэхгүйгээр шууд нэвтрэх боломжтой боллоо.

Интерполын "Аянга-2025" арга хэмжээний хүрээнд Монгол Улсад хууль бусаар ховор амьтан агнах, ургамал бэлтгэх гэмт хэргийг илрүүлж, байгаль орчны эсрэг гэмт хэрэгтэй тэмцэх мэдээллийг гишүүн улсуудтай солилцож байна.

Увс-Улаанбаатар чиглэлийн автобус Завхан аймгийн Их-Уул сум орчимд зорчиж явсан үед жирэмсэн эх амаржиж, жолооч нар болон зорчигчид хамтран эх барьж авсан байна. Эх, хүүхдийн биеийн байдал сайн байна.

Долоодугаар сарын 11-13-ны өдрүүдэд Хүй долоон худагт 56 орны 10 мянган морьтон оролцсон "Дэлхийн адууны өдөр"-ийн баяр анх удаа Монгол Улсад зохион байгуулагдана.

Нийслэл иргэдийн цахимаар гаргасан газар эзэмших хүсэлтийг ирэх онд шийдвэрлэхээр төлөвлөж байна. Шинээр газар олголт нь Налайх, Багануур, Багахангай дүүргүүдэд хийгдэх юм.