Монгол Улсын Ерөнхийлөгч Максимын Чинбатыг Улсын ерөнхий прокурорын орлогчоор улираан томилсон тухай зарлиг гаргалаа. Тэрбээр хууль зүйн салбарт 30 жил ажилласан туршлагатай юм.

Осакагийн Дэлхийн үзэсгэлэнгийн үеэр танилцуулагдсан хүний бие угаах, хатаах "угаалгын машин" 2026 оноос ахмад настны асаргаа сувилгааны байгууллагуудад нийлүүлэгдэж, олон нийтэд худалдаалагдахаар болжээ.

2024 оны наймдугаар сараас шүүхийн тойргийн шүүхүүдэд ажиллаж эхэлсэн сэтгэл зүйчдийн дэмжлэгээр гэр бүлүүдийн эвлэрэлт өмнөх хугацаатай харьцуулахад нэмэгдсэн байна.

Баянхонгор аймгийн үнэт металлын сорьц тогтоох лаборатори 2025 онд 3000 кг алт хайлж, 820 ширхэг алтан гулдмай үйлдвэрлэн сорьц тогтоосон бөгөөд үйл ажиллагаа жил бүр идэвхжиж байна.

2023 оны 11 дүгээр сард төгрөгийн ам.доллар, евро, рубль, юаньтай харьцах сарын дундаж ханш өмнөх оны мөн үеэс суларсан ч өмнөх сарынхаас чангарсан байна.

ЭХЭМҮТ-д амьд донороос хүүхдэд бөөр шилжүүлэн суулгах анхны амжилттай мэс засал хийгдэж, хүүхдийн биеийн байдал сайжирсан байна. Улсын хэмжээнд хүүхдэд бөөр шилжүүлэн суулгасан тохиолдол 15-д хүрчээ.

Улаанбаатар хотын түгжрэлийг бууруулахад чиглэсэн арга хэмжээний хүрээнд шинээр автомашины дугаар олгохыг зогсоож, хотын төвд газар олголтыг хязгаарлажээ. Туулын хурдны замыг 2027 он хүртэл нээхээр төлөвлөж байна.

"Chinggis Warriors" баг Хятадын Шанхай хотод болсон eXTREMESLAND 2025 тэмцээнд аваргын цом хүртэж, 70,000 ам.долларын шагнал авлаа. "Eruption" баг гуравдугаар байр эзэлсэн байна.

Эрүүл мэндийн яамны мэдээллээр 12 дугаар сарын 21-ний байдлаар томуугийн дэгдэлт улсын хэмжээнд өндөр түвшинд хүрч, эмнэлэгт хэвтэн эмчлүүлж буй хүүхдүүдийн ихэнх нь амьсгалын замын цочмог хүнд халдварын улмаас байна.

ОХУ-ын “Транснефть” болон Казахстаны “КазТрансОйл” компани 2026 оноос эхлэн Оросын нутаг дэвсгэрээр дамжуулан газрын тос тээвэрлэх гэрээнд гарын үсэг зуржээ.