Унгар Улсын ОТП банк Монголын банкны тухай хууль шинэчлэгдсэн тохиолдолд Монголд үйл ажиллагаа явуулах сонирхлоо илэрхийллээ. УИХ-ын дарга эрх зүйн шинэчлэлийг дэмжиж байгаагаа тэмдэглэв.

Ерөнхий сайдын үүргийн дагуу “Дулааны тавдугаар цахилгаан станц” төслийн газар шорооны ажлыг энэ сарын 15-наас эхлүүлэхээр төлөвлөж байна. Станц нь 300 мВт цахилгаан, 340 Гкал дулаан үйлдвэрлэх хүчин чадалтай юм.

Европын Сэргээн Босголт, Хөгжлийн Банк 2025 онд Монгол болон Төв Азийн бүс нутагт нийт 2 тэрбум ам.долларын хөрөнгө оруулалт хийсэн бөгөөд үүний 218 сая ам.долларыг Монгол Улс хүлээн авсан байна.

2025 оны IV улирлын НӨАТ-ын буцаан олголтыг иргэдийн дансанд өнөө маргаашдаа шилжүүлэхээр ажиллаж байна. Энэ улирлын буцаан олголтоор 1.36 сая иргэнд 112 тэрбум төгрөг олгохоор төлөвлөжээ.

Pop Mart компани Европ дахь төв оффисоо Лондон хотод байгуулахаар болж, Их Британид олон шинэ дэлгүүр нээж, ажлын байр бий болгох төлөвлөгөөтэй байна.

Монгол Улс өнгөрсөн жил Вьетнам Улсад 100 тонн ямааны мах экспортолж, Вьетнамчууд монгол махаар дөрвөн төрлийн бүтээгдэхүүн үйлдвэрлэн зах зээлд гаргасан байна.

Сэлэнгэ аймгийн Цагааннуур сум нарны эрчим хүчний төсөл хэрэгжүүлснээр цахилгааны хязгаарлалтаас үл хамааран тогтой байна. "ДСЦТС" ХК энэхүү төслийг туршилтын шатанд хэрэгжүүлж байна.

2025 онд өргөн мэдүүлсэн татварын багц хуулийн нэмэлт, өөрчлөлтүүд 2027 оноос хэрэгжиж, татварын ачааллыг бууруулах, жижиг дунд бизнесийг дэмжих, НӨАТ-ын хөнгөлөлтийг нэмэгдүүлэх зорилготой юм.

2026 оны 1 дүгээр сарын 29-ний байдлаар Эмээлт захад ямааны арьс Хангайн, Говийн, Төвийн бүсүүдэд 55,000-60,000 төгрөгийн үнэтэй байна. Мөн бусад шир, нэхийний үнэ тогтмол байна.

Монгол Улсаас АНУ, Швед, Швейцар, БНСУ руу хэвийн боов, еэвэн тогтмол экспортолж байгаа бөгөөд АНУ руу хийж буй экспорт 2025 онд хоёр дахин өссөн байна. Мөн АНУ-д Монгол гаралтай иргэдийн тоо сүүлийн таван жилд 51 хувиар нэмэгджээ.