“Эрдэнэс Тавантолгой” ХК-ийн хувьцааг өвлөх, ногдол ашиг авах журам шинэчлэгдэв
Монгол Улсын иргэд 2012 оны дөрөвдүгээр сараас эхлэн “Эрдэнэс Тавантолгой” ХК-ийн хувьцаа эзэмшиж эхэлсэн бөгөөд нэг иргэн 1072 ширхэг хувьцаатай байна. Энэ нь тус компанийн нийт хувьцааны 20 хувийг эзэлдэг гэсэн Засгийн газрын тогтоол бий.
Хүн амын өсөлттэй холбоотойгоор өнөөдөр иргэдийн эзэмшиж буй хувьцааны хэмжээ 26.4 хувь буюу 3.1 тэрбум ширхэг болж нэмэгдсэн байна. Монголчууд 2019 оноос хойш зургаан удаа ногдол ашиг хүртсэн бөгөөд хамгийн сүүлийн ногдол ашгийг саяхан авсан байна.
Хувьцаа эзэмшигч нас барсан тохиолдолд хувьцааг гэр бүлд нь өвлүүлэх асуудлыг Засгийн газар 2023 оны сарын 29-ний хуралдаанаар шийдвэрлэж, 132,203 нас барсан иргэний хувьцааг өвлүүлэх хууль эрх зүйн боломжийг бүрдүүлсэн юм. Энэхүү тогтоолыг 2023 оны долдугаар сарын 1-нээс хэрэгжүүлж эхэлнэ.
Нас барсан хувьцаа эзэмшигчийн гэр бүлд ногдол ашгийг өвлүүлэхэд шаардлагатай бичиг баримтыг бүрдүүлэх хэрэгтэй. Үүнд нас барсны гэрчилгээ, нотариатаар баталгаажуулсан өвлөх хүсэлт, өв залгамжлагчийн баримт бичиг багтана. Үнэт цаасны төвлөрсөн хадгаламжийн төвд өвлөгч дансаа бүртгүүлснээр ногдол ашгийг нөхөн авах боломжтой.
Өвлөн авах эрхтэй хүмүүсийг хоёр зэрэгт ангилдаг. Нэгдүгээр зэрэгт нас барсан хүний эхнэр, нөхөр, төрүүлсэн болон үрчилж авсан хүүхэд, аав, ээж багтдаг бөгөөд эдгээр хүмүүсээс нэгийг нь нотариатаар баталгаажуулан сонгодог. Хэрэв нэгдүгээр зэргийн өвлөгч байхгүй эсвэл татгалзсан бол эмээ, өвөө, ах, эгч, дүү, ач, зээ нар өвлөх эрхтэй.
Гадаадад амьдарч буй иргэд болон данс нээлгээгүй хүмүүс хувьцааны бүртгэлтэй эсэхийг 158989 дугаарт регистрийн дугаараа мессежээр илгээж шалгах боломжтой. Хэрэв үнэт цаасны данс нээлгээгүй бол Монгол Улсын арилжааны банкны данстай байх шаардлагатай бөгөөд гадаад пасспорт ашиглан цахимаар бүртгүүлэх боломжтой.
Мөн “Эрдэнэс Тавантолгой” ХК-ийн албан ёсны аппликэйшн болон итгэмжлэгдсэн компаниар дамжуулан онлайнаар данс нээж ногдол ашгаа нөхөн авах боломжтой. Монголын банкны аппликэйшнээр данс нээхэд Монголын үүрийн телефоны дугаар шаардлагатай бөгөөд гадаадад ашигладаг дугаар ч байж болно.
Ногдол ашиг нь халамжаас өөр бөгөөд Монгол Улсын иргэн бүр байгалийн баялгаас хүртэх эрхтэй. Засгийн газар хувьцаатай холбоотой асуудлыг шийдвэрлэж байгаа хэдий ч иргэд хувьцаагаа худалдах эрхтэй байх асуудал одоо ч маргаантай хэвээр байна.