Шүлхий өвчний SAT-1 төрөл Ховд, Баян-Өлгийд илэрсэн бөгөөд махны гарал үүсэл тодорхойгүй малын махыг хямд үнээр худалдаалах тохиолдол гарч байна. Иргэд мах худалдан авахдаа гарал үүслийн бичгийг шалгахыг зөвлөж байна.

Тээврийн цагдаагийн алба борооны ус ихтэй үед жолооч нар явган зорчигч руу зориудаар ус цацахгүй байхыг анхааруулж, зөрчил гаргасан тохиолдолд мэдээлэх боломжтойг мэдэгдэв.

Монголын эмэгтэй 3x3 сагсан бөмбөгийн баг Улаанбаатар Амазонс Венагийн Дэлхийн гранприд хоёрдугаар байрт орсны дараа дэлхийн мэргэжлийн багуудын чансааг тэргүүлж эхэллээ.

Нийслэлийн 2024-2026 оны төсвийн зарцуулалт, хөрөнгө оруулалтын төслүүдийн хэрэгжилтэд холбогдох хууль тогтоомжийн биелэлтийг шалгах ерөнхий хяналтын сонсгол эхэлж байна. Туулын хурдны зам төслийн үнэлгээ, зөвшөөрөл, олон нийтийн хэлэлцүүлэг хангагдаагүй нь Төсвийн тухай хуулийг зөрчсөн гэж үзжээ.

Хурдан морь унасан 10 настай хүүхэд мориноос унаж гэмтсэн хэрэгт холбогдуулан уяач Б.М-ийг торгож, хүүхдийн эцэг О.С-ийг зорчих эрхийг хязгаарлав.

Нийслэлийн Засаг даргын зөвлөлийн хуралдаанаар боловсролын байгууллагын хоол үйлдвэрлэл, “Хотхоны бага сургууль” төсөл, хот байгуулалтын арга хэмжээ зэрэг асуудлыг хэлэлцэж, холбогдох үүрэг даалгаврыг өглөө.