Хүнс, хөдөө аж ахуй, хөнгөн үйлдвэрийн сайд Ц.Идэрбат нөөцийн махны нийлүүлэлт, түгээлтийн явцыг шалгаж, хариуцлагагүй хандвал хариуцлага тооцно гэдгийг анхаарууллаа.

Монголын Хөрөнгийн Бирж "BGM Asset Management" компанитай хамтран дэлхийн технологийн салбарын шилдэг ETF-үүдийг нэгтгэсэн "Future Tech Innovation" индексийг албан ёсоор тооцож эхэллээ. Индексийг өдөр тутам шинэчилж, жил бүр багц шинэчлэлт, хагас жил тутам дахин тэнцвэржүүлэлт хийнэ.

Цагдаагийн байгууллагаас гарал үүсэл нь тодорхойгүй хуурамч архи, согтууруулах ундааг худалдан борлуулах зөрчил ихэссэн талаар мэдээлэв. Хуурамч архинд метанол зэрэг хортой бодис агуулагддаг бөгөөд өнгөрсөн онд архинд хордсон 15,800 гаруй тохиолдол бүртгэгджээ.

Богд хааны ордон музейн "Хаан ордны хавар 2026" хөтөлбөрийн хүрээнд нээлттэй өдрүүд зохион байгуулж, тусгай хэрэгцээт иргэд, ахмад настнууд болон 0-16 насны хүүхдүүдэд музейн үзмэрийг үнэ төлбөргүй үзүүлэхээр боллоо.

Соёл, спорт, аялал жуулчлал, залуучуудын яамны дэмжлэгтэйгээр “KIDS EXPO 2026” үзэсгэлэнг олон улсын хүүхдийн эрхийг хамгаалах өдрөөр Төв цэнгэлдэх хүрээлэнд зохион байгуулах бөгөөд хүүхэд, залуучуудын боловсрол, соёл, эрүүл мэндийн чиглэлээр олон төрлийн хөтөлбөрүүд багтана.

Цахим хөгжил, инновац, харилцаа холбооны яам болон хамтрагч байгууллагууд "Цахим залилангаас сэргийлье" үндэсний аяныг эхлүүлж, цахим орчны аюулгүй байдлыг сайжруулахад чиглэсэн 25 арга хэмжээг хэрэгжүүлэхээр боллоо.

Засгийн газар Байдрагийн 30 МВт хүчин чадалтай усан цахилгаан станц төслийг төр, хувийн хэвшлийн түншлэлийн хүрээнд хэрэгжүүлэхээр шийдвэрлэлээ. Төсөл нь эрчим хүчний найдвартай байдлыг нэмэгдүүлэх, импорт орлох ач холбогдолтой юм.

Батлан хамгаалахын сайдын зөвлөлийн хуралдаанаар цэргийн албаны тухай хуулийн шинэчилсэн найруулгын төслийг хэлэлцэн дэмжлээ. Төсөл нь цэргийн албаны тогтолцоо, хүний нөөц, цэрэг татлагын зохион байгуулалтыг орчин үеийн шаардлагад нийцүүлэх зорилготой.

Говь-Алтай аймгийн Жаргалан суманд цэвэр усны хоолойг сольж байсан гурван засварчин шороонд дарагдаж нас барсан хэрэг гарлаа.

Ж.Энхбаяр төсвийн урсгал зардал орлогоос давсан тул НӨАТ-ын буцаан олголт, цалин тэтгэвэр, хөрөнгө оруулалтын талаар шийдвэр гаргах шаардлагатайг онцлов.