IQAir-ийн мэдээллээр 2024 оны нэгдүгээр сарын 9-ний байдлаар Улаанбаатар хот агаарын бохирдлын индексээр дэлхийд 32 дугаар байрт орж, арванхоёрдугаар сард бохирдлын төвшин буурсан талаар ЦУОШГ мэдээлэв.

Нийтийн албан тушаалтнууд 2025 оны хувийн ашиг сонирхлын болон хөрөнгө, орлогын мэдүүлгээ 2026 оны хоёрдугаар сарын 15-ны дотор шинэчлэх ёстой. Мэдүүлгийн цахим системийг АТГ шинэчилж, сургалтыг зохион байгууллаа.

2026 оны нэгдүгээр сарын 9-ний байдлаар Улаанбаатар төмөр замд нийт 838 вагон шатахуун хадгалагдаж, буух өртөө тус бүрээр тэдгээрийн тоо, төрөл тодорхойлогдсон байна.

Монгол Улсын Засгийн газар Тавантолгойн бүлэг ордын ашиглагдаагүй Бортээг хэсгийг эдийн засгийн эргэлтэд оруулах бэлтгэл ажлыг хангах, хөрөнгө оруулагчдыг сонгон шалгаруулах ажлын хэсэг байгууллаа. Олон улсын нээлттэй санал авах ажиллагаа энэ сарын 9-нд эхэлнэ.

“Дакар ралли-2026” уралдааны марафон гараа дууссаны дараа Монголын тамирчид байрлалаа хадгалж, Э.Халиунболд түүхэн амжилт үзүүллээ. Өнөөдөр зургаа дахь гараа эхэлнэ.

Ерөнхий сайд Г.Занданшатар нийслэлийн татварын газар болон хэлтсийн удирдлагуудын гадаад аяллын асуудлыг шалгаж, хариуцлага тооцохыг Татварын ерөнхий газрын даргад үүрэг болголоо. Татварын албанд шинэчлэл хийх шаардлагатайг онцлов.

Өвөрхангай, Дундговь, Дорноговь аймгийн нутгаар цасан шуурга шуурч, замын халтиргаа гулгаа үүсэж байна. Жолоочдод аюулгүй зорчихыг Тээврийн цагдаагийн алба анхаарууллаа.

Өнгөрсөн жилийн Үндэсний их баяр наадмын улсын гарди Н.Өсөхбаяраас хориотой бэлдмэл илэрсэн тул түүний цолыг хураах саналыг холбогдох байгууллагууд Ерөнхийлөгчид хүргүүлжээ. Шалгалт үргэлжилж байгаа бөгөөд барилдах эрхийг дөрвөн жилээр хасах шийдвэр гарсан байна.

Фейсбүүк платформд зохион байгуулагдаж буй хусдаг сугалаа, үнэт чулууны сугалааны шууд дамжуулалтаар иргэд залилуулж, нийт 32 сая гаруй төгрөгийн хохирол учирчээ. Цагдаагийн байгууллагаас цахим орчинд болгоомжтой байхыг анхааруулж байна.