Нийслэл 2026 онд 52 километр авто зам шинээр барьж, таван байршилд авто замын засвар шинэчлэлтийн ажлыг дөрөвдүгээр сарын 1-нээс эхлүүлнэ. Үүнд Энхтайваны өргөн чөлөө, Баянзүрх, Чингэлтэй, Сүхбаатар дүүргийн авто замууд багтаж байна.

Сангийн сайд Б.Жавхлан БНСУ-ын холбогдох албаны хүмүүстэй уулзаж, хоёр улсын санхүү, эдийн засгийн хамтын ажиллагаа, хэрэгжиж буй төслүүдийн явцын талаар санал солилцов.

Ерөнхий сайд Г.Занданшатар “Оюу Толгой” төслөөс Монгол Улсад ногдох өгөөжийг 60 хувиас дээш нэмэгдүүлэх, 2026 онд ногдол ашиг хуваарилах зэрэг шаардлагыг “Рио Тинто” группэд тавьсан байна.

Улаанбаатар хотын эрчим хүчний хэрэглээг тэнцвэржүүлэх зорилгоор Дулааны тавдугаар цахилгаан станц барихаар төлөвлөсөн бөгөөд ирэх дөрөвдүгээр сард барилгын суурийн ажил эхэлнэ. Станц 300 МВт цахилгаан, 340 Гкал дулаан үйлдвэрлэх хүчин чадалтай.

Энэ оны эхний хоёр сард Монгол Улсад импортолсон барааны 30.2 хувийг эрдэс бүтээгдэхүүн эзэлж, нефтийн бүтээгдэхүүн 85.8 хувийг бүрдүүлжээ. Суудлын автомашины импорт буурсан бол авто бензиний импорт өссөн байна.

Дэлхийн банк Улаанбаатар-Лүн чиглэлийн 101.7 км автозамыг зургаан эгнээ болгон өргөтгөх төсөлд хөрөнгө оруулалт хийх боломжтойг Зам тээврийн сайдтай уулзахдаа илэрхийлэв. Төслийн ТЭЗҮ бэлэн, эдийн засаг, аялал жуулчлалд чухал ач холбогдолтой гэж үзэж байна.

БНХАУ 2024 онд эдийн засгийн өсөлтийн зорилтоо 4.5-5 хувийн хооронд тогтоож, 1991 оноос хойших хамгийн доод түвшинд хүргэлээ. Энэ нь дотоод болон гадаад сорилтуудтай холбоотой юм.

“Туулын хурдны зам” төслийн газар шорооны бэлтгэл ажил дуусаж, барилга угсралтын үндсэн ажлыг эхлүүлэхэд бэлэн болжээ. Төслийн хүрээнд олон уулзвар, гүүр, нүхэн гарц баригдах бөгөөд замын хөдөлгөөний хурд нэмэгдэхээр тооцоолсон байна.

УБЦТС ТӨХК нь нийслэл, Төв аймгийн хэрэглэгчдийн цахилгаан хангамжийн найдвартай байдлыг хангахын тулд 3 дугаар сараас 10 дугаар сар хүртэл төлөвлөгөөт засварын ажлуудыг зохион байгуулна.

Засгийн газар сэргээгдэх эрчим хүчний цахилгааныг түгээх журмыг хялбаршуулж, хүчдэлийн чадлыг нэмэгдүүлэн, төлбөрийг сар бүр олгох зохицуулалт хийлээ.