Хотын захирагч Б.Пүрэвдагва автомашинаас ялгарах агаарын бохирдлыг бууруулах арга хэмжээг танилцуулж, цахилгаан машиныг татвар тэмдэгтийн чөлөөлөлтөөр дэмжиж байгаагаа мэдээллээ.

Токио хотноо болсон SJJIF дэлхийн аварга шалгаруулах тэмцээнд Онцгой байдлын газрын ахлах ахлагч Б.Хүрэлчулуу мастерсийн ангилалд алтан болон мөнгөн медаль хүртлээ.

Монгол Улсын Засгийн газар Оюутолгойн хувь нийлүүлэгчдийн гэрээнд нэмэлт өөрчлөлт оруулж, Монголын талын хүртэх өгөөжийг 13 их наяд төгрөгөөр нэмэгдүүлэх хэлэлцээг өндөрлөж, зээлийн хүү болон менежментийн зардлыг буурууллаа.

Монгол, Оросын хамтарсан цэргийн археологийн баг Дорнод аймгийн Халхгол сумын нутагт 65 дайчны шарил, 3000 гаруй сум, галт хэрэгслийг илрүүлж, аюулгүй болголоо.

Монгол, Оросын хамтарсан шумбалтын баг Буйр нуурт живсэн нисэх онгоц болон бусад техник хэрэгслийг илрүүлэх, эрэн хайх ажиллагааг орон нутгийн Онцгой байдлын алба хаагчдын оролцоотойгоор зохион байгуулж байна.

Энэ оны эхний найман сарын байдлаар Монгол Улсад ирсэн жуулчдын тоо 705 мянгад хүрч, өнгөрсөн оныхоос 17.9 хувиар өссөн байна. Монголын аялал жуулчлалын салбарын орлого, өсөлт Ази Номхон далай бүсэд дээгүүрт бичигдэж байна.

Улсын нэгдүгээр төв эмнэлэг БНСУ-ын "Revo-I" робот мэс заслын системийг улсын төсвийн хөрөнгөөр нэвтрүүлж, өндөр технологийн мэс заслын үйлчилгээг хэрэглээндээ орууллаа. Энэхүү системийг Хавдар судлалын үндэсний төвийн дараа хоёр дахь удаа ашиглаж байгаа юм.

Прокурорын байгууллага авлигын гэмт хэрэгт яллагдагчаар татагдсан 402 хүнд холбогдох 204 хэрэгт яллах дүгнэлт үйлдэж, шүүхэд шилжүүлсэн байна. Тухайлбал, нэг эмнэлгийн эрхлэгч иргэний халамжийн тэтгэврийг өөртөө авсан хэргээр ял шийтгэл хүлээжээ.

2024 оны наймдугаар сарын 15-наас есдүгээр сарын 12-ныг дуустал зам дээр тэгш, сондгой дугаараар хөдөлгөөнд оролцуулсан журам дуусч, ирэх даваа гарагаас энгийн хугацааны дугаарын хязгаарлалт үйлчлэх болно.

Авлигатай тэмцэх газар НИТХ-ын төлөөлөгч Л.Хосбаярыг эрх мэдэл, албан тушаалын байдлаа урвуулан ашигласан хэргээр шалгаж байна.