Үндэсний их баяр наадмын албан ёсны амралтын өдрүүд долоодугаар сарын 11, 12-нд таарч байгаа тул Засгийн газар амралтын өдрүүдийг шилжүүлж, нийт 10 хоног амрах зохицуулалт хийжээ.

Улсын гуравдугаар төв эмнэлэгт хиймэл оюун ухаанд суурилсан, өндөр нарийвчлалтай 512 зүслэгт компьютер томографийн төхөөрөмжийг анх удаа суурилуулж, оношилгоонд ашиглаж эхэллээ. Энэ нь оношилгооны үйлчилгээний хүртээмж, чанарыг сайжруулахад чиглэсэн чухал алхам юм.

Прокурорын байгууллага 2026 оны эхнээс авлигын гэмт хэрэгт буруутгагдсан 335 хүнд холбогдох 143 хэрэгт яллах дүгнэлт үйлдэж, шүүхэд шилжүүлсэн байна. Шүүхээс 4 хүнд ял оногдуулжээ.

Улаанбаатар хотод нөөцийн махны жижиглэн худалдааг зогсоож, есөн дүүрэгт өргөтгөсөн худалдаа зохион байгуулах шийдвэр гаргалаа. Худалдаа энэ сарын 30-ныг хүртэл үргэлжилнэ.

Монгол Улсын Ерөнхийлөгч У.Хүрэлсүх Төрийн тахилгат Бурхан Халдун хайрханы тэнгэрийг тайх ёслолд оролцож, Төрийн хар сүлдийг анх удаа хайрханд цэнгүүлэв.

Аргентины хөлбөмбөгчин Лионель Месси 2026 оны ДАШТ-ий J хэсгийн тоглолтод хоёр гоол оруулж, дэлхийн аваргын түүхэн дэх хамгийн олон гоол оруулсан тоглогчийн амжилтыг шинэчиллээ.

АНУ, Ираны хэлэлцээ урагшилж, Ормузын хоолойг нээх мэдэгдэлтэй холбоотойгоор газрын тосны үнэ 113 ам.доллараас 73 ам.доллар болж буурсан талаар эдийн засгийн шинжээчид мэдээллээ.

Монголд тархан амьдардаг хулангийн сүргийн тоо сүүлийн жилүүдэд цаг агаар, орчны өөрчлөлт болон хууль бус агнуурын улмаас эрс буурсан байна. Хулан нь олон улсын хэмжээнд “эмзэг” зэрэглэлтэй амьтан юм.

Увс аймгийн Тэс суманд боом өвчний хүний халдварын нэг тохиолдол илэрч, өвчтөн аймгийн нэгдсэн эмнэлэгт эмчлүүлж байна. Боом өвчин нь мал, амьтнаас хүнд халдварладаг хурц халдварт өвчин юм.

Дүнжингарав худалдааны төвийн уулзварт болсон дэлбэрэлтэд холбогдуулан "Дашваанжил" ХХК-ийн жолоочийг дахин яллагдагчаар татаж, шүүхэд шилжүүлжээ.