Хонконгт болсон 20 хүртэлх насны хөнгөн атлетикийн Азийн аварга шалгаруулах тэмцээнд Монголын тамирчин А.Цагаадай гүйлтийн 5,000 метрийн төрөлд хүрэл медаль авлаа.

Дэлхийн нүүдэлчдийн спортын VI наадамд оролцохоо 50 улс баталж, оролцогчдын бүртгэл 7 дугаар сарын 1 хүртэл үргэлжилнэ. Наадам энэ оны 8 дугаар сарын 31-нээс 9 дүгээр сарын 6-нд Киргиз улсад болно.

2024 оны 4 дүгээр сарын эцэст төгрөгийн хадгаламж 27.4 их наяд төгрөгт хүрч, өнгөрсөн оны мөн үеэс 5.5 их наяд төгрөгөөр нэмэгдсэн байна. Валютын хадгаламж болон бэлэн мөнгөний хэмжээ ч өссөн үзүүлэлттэй байна.

Цагдаагийн Ерөнхий Газраас "Хонжворт сугалаа" зохион байгуулдаг хоёр бүлгийн 14 иргэний хууль бус үйлдлийг илрүүлж, мөрдөн шалгах ажиллагааг үргэлжлүүлж байна.

УИХ 2027 оны төсвийн хүрээний мэдэгдэл болон 2028-2029 оны төсвийн төсөөллийн тухай хуулийг баталж, эдийн засгийн өсөлт, инфляцын төсөөллийг танилцууллаа. Эрсдэлүүдийг харгалзан макро эдийн засгийн үзүүлэлтүүдийг дээд хязгаарт тооцсон байна.

Монгол Улсын иргэд БНХАУ-д зорчихдоо паспорт болон эд зүйлсээ алдах эрсдэлээс сэргийлж, хувийн хариуцлагаа сайтар хангасныг Элчин сайдын яам зөвлөж байна.