Улсын Их Хурлын хуралдаанаар гишүүдийн ирц, оролцоо, сахилга хариуцлагыг сайжруулах хуулийн төслийг хэлэлцэж, олон улсын жишигт нийцсэн зохицуулалтыг тусгалаа.

2026 оны дөрөвдүгээр сарын байдлаар явган хүний гарц дээр гарсан 103 зам тээврийн ослын улмаас 12 хүн нас барж, олон хүн гэмтсэн байна. Ослын гол шалтгаан нь жолооч нарын хурдаа сааруулаагүй, зам тавьж өгөөгүй үйлдэл байна.

Нийслэлийн Засаг даргын нэгдүгээр орлогч асан Т.Даваадалайг шүүх цагдан хорих таслан сэргийлэх арга хэмжээ авах саналыг хүлээн авч, нэг сарын хугацаатай хорьжээ. Түүнийг Туулын хурдны зам төсөлтэй холбоотой хэргээр Авлигатай тэмцэх газраас шалгаж байна.

Монголын тогооч нарын холбоо Монгол хорхогийг дэлхийн Геннисийн амжилтад бүртгүүлэхээр 10 жил ажиллаж, энэ жил мянган тогоочийг оролцуулсан арга хэмжээг зохион байгуулахаар төлөвлөжээ.

Сэлэнгэ аймгийн сурагч Б.Хишигсүрэн Узбекистан улсад болсон Авиценнагийн нэрэмжит олон улсын биологийн олимпиадад хүрэл медаль хүртлээ. Тэмцээнд 12 орны 94 сурагч оролцсон байна.

Увс нуурын ай сав газарт зусдаг борцгор хотон нь том хошуу, уут хэлбэрийн арьстай бөгөөд голчлон загасаар хооллодог шувуу юм.

“Улаанбаатар марафон -2026” олон улсын гүйлт "Алхам бүр ёс зүйтэй, амжилт бүр үнэ цэнтэй" уриан дор эхэлж, бүтэн марафонд 42.1 км-ийн гүйлтийн ангилалд 46 мянга гаруй хүн оролцож байна.