УИХ-ын чуулган Ерөнхийлөгчөөс өргөн мэдүүлсэн "УИХ-ын гишүүнийг эгүүлэн татах" хуулийг хэлэлцэхийг 56.4 хувийн саналаар дэмжиж, анхны хэлэлцүүлэгт бэлтгүүлэхээр байнгын хороонд шилжүүлэв.

2026 оны эхний улирлын урьдчилсан гүйцэтгэлээр улсын төсвийн орлого 2.5 хувиар өссөн ч зарлага нэмэгдсэний улмаас 1.4 их наяд төгрөгийн алдагдалтай гарлаа.

Засгийн газар 146 төрлийн бизнесийн үйл ажиллагааг зөвшөөрөл нэртэй бичиг баримтын шаардлагаас чөлөөлж, иргэд e-business.mn системээр мэдэгдэж шууд бизнесээ эхлүүлэх боломжийг бүрдүүллээ.

Шинэ судалгаагаар хиймэл оюунт чатботуудын эрүүл мэндийн зөвлөгөөнд өгсөн хариултуудын тал хувь нь эргэлзээтэй мэдээлэл агуулж байгааг тогтоожээ. Судлаачид нийтийн эрүүл мэндийн боловсролыг сайжруулахгүйгээр чатботыг ашиглах нь эрсдэлтэй гэж үзэж байна.

Засгийн газрын шийдвэрээр Эрүүл мэндийн яамны Төрийн нарийн бичгийн дарга Д.Очирбатыг үүрэгт ажлаас нь чөлөөлжээ. Тэрбээр өмнө нь энэ албан тушаалаас чөлөөлөгдөж, шүүхэд маргаан үүсгэж ялалт байгуулсан юм.