2023–2024 онд хүү, торгуулийн орлогын эх үүсвэрээс 322.7 тэрбум төгрөг төвлөрүүлэхээр төлөвлөсөнөөс 361.2 тэрбум төгрөг төвлөрсөн бөгөөд аудитын шалгалтаар 32.3 тэрбум төгрөгийн зөрчил илэрсэн байна.

Нийслэлийн 9 дүүргийн 1551 байршилд хяналтын камер ажиллаж байгаа бөгөөд 1856 байршилд нэмэлт ухаалаг камер суурилуулах төлөвлөгөөтэй байна. Урьдчилан сэргийлэх ажлыг техник, хүмүүжлийн бодлоготой уялдуулах шаардлагатайг онцлов.

ХЭҮК "Хотула" апликейшныг хүний хувийн мэдээллийг хамгаалах хууль зөрчсөн байж болзошгүй гэж үзэж, ашиглахыг түр зогсоохыг Нийслэлийн Засаг даргад шаардлаа.

Ардчилсан Намын цахим хуудсанд 2.1 сая иргэний хувийн мэдээлэл хадгалагдаж, зарим нь ил болсон нь Хүний Эрхийн Үндэсний Комиссын шалгалтаар тогтоогдсон байна.

Жүдо бөхийн Азийн аварга шалгаруулах тэмцээнд Монгол Улсаас МУГТ Л.Энхрийлэн тэргүүтэй 18 тамирчин оролцож байна. Тэмцээн энэ сарын 16-18-нд БНХАУ-ын Ордос хотод болно.

Хаврын тариалалтын бэлтгэлд зориулан 39.2 мянган тонн улаанбуудайн үрийн нөөц бүрдүүлж, үлдсэн 12 мянган тонн үрийг импортоор хангахаар төлөвлөжээ. Мөн төмс, хүнсний ногооны үрийг тариалан эрхлэгчдэд зээлээр олгох бэлтгэл хангагдаж байна.

Монгол Улсын төрийн байгууллагууд төсвийн хөрөнгөөр IT программ хөгжүүлэхээ зогсоож, хувийн хэвшлийн программ хангамжийг ашиглах шийдвэр гаргалаа. Мөн төрийн албан хаагчдыг долоо хоногт нэг өдөр зайнаас ажиллуулах зохицуулалтыг хэрэгжүүлж байна.

Нийслэл болон найман аймгийн 32 суманд 52 удаагийн ой, хээрийн гал түймэр гарч, 443.951 га талбай өртжээ. Гал түймрийн аюулаас хүн, мал, эд хөрөнгийг хамгаалсан байна.

Гэмтэл согог судлалын үндэсний төвийн мэдээллээр цахилгаан дугуй, мопед зэрэг бичил тээврийн хэрэгслээс үүдэлтэй осол, гэмтлийн тохиолдол 2022-2025 онд зургаан дахин өссөн байна.

ХХААХҮ-ийн сайд Ц.Идэрбат ЖДҮ-ийн сангаас зээлийн хугацааг сунгаж, олголтын процессыг хялбаршуулж байгааг танилцууллаа. Мөн дотоодын үйлдвэрлэлийг төрийн худалдан авалтад оруулах чиглэлд ахиц гарчээ.