Засгийн газар битүүний ажлын өдрийг 2 дугаар сарын 28-ны бямба гарагт шилжүүлэх шийдвэр гаргалаа гэж ЗГХЭГ-ын дарга С.Бямбацогт мэдээлэв.

Гашуунсухайт дахь гаалийн улсын байцаагч Н.Н нь албаны үүргээ биелүүлээгүйгээс гаалийн татварын 50 сая төгрөгийг төлүүлэхгүйгээр давуу байдал бий болгосон хэрэгт буруутгагдан 3 сая төгрөгөөр торгуулж, нийтийн албанд томилогдох эрхийг хасуулжээ.

Нийслэлийн гол уулзваруудад хиймэл оюун ухаанд суурилсан авто замын зөрчил илрүүлэх системийг нэвтрүүлснээр замын хөдөлгөөний зохион байгуулалт сайжирч, зөрчлийн тоо буурчээ.

Аж үйлдвэрийн хөгжлийн сайд Г.Дамдинням ОХУ-ын Эрчим хүчний сайд нартай уулзаж, 2026 онд газрын тосны бүтээгдэхүүнийг тогтвортой нийлүүлэх талаар санал солилцов.

Эрүүл мэндийн салбарын эмч, ажилчдын үндсэн цалинг 2026 онд үе шаттайгаар нэмэгдүүлж, 3 сая төгрөгт хүргэхээр зохицуулалт хийгдэж байна.