Баянзүрх дүүргийн 4-р хороо, Жуковын хөшөөний хойд талын 6000 ам метр газрын зөвшөөрлийг ашиглаагүй тул цуцалж, нийтийн эзэмшлийн талбай, цэцэрлэгт хүрээлэн болгохоор шийдвэрлэлээ.

Дорнод аймгийн Онцгой байдлын газрын ахлах ахлагч Д.Төрмөнх 11 жилийн хугацаанд олон гамшиг, ослын дуудлагаар үүрэг гүйцэтгэж, амь нас хамгаалсан тул анхны сайдын нэрэмжит шагналын эзнээр тодорч, 50 сая төгрөгөөр шагнууллаа.

Гадаад харилцааны яам боловсролын баримт бичгийг E-Mongolia системд холбож, цахим апостиль гэрчилгээгээр баталгаажуулах боломжийг нээжээ. Энэ нь иргэдэд цаг хугацаа, санхүүгийн хэмнэлттэй үйлчилгээ үзүүлэхэд чиглэсэн байна.

Говь-Алтай, Ховд аймгийн заагт орших Сутай хайрхныг долоодугаар сарын 24-ний өдөр тахих юм. Уул нь 2008 оноос Төрийн тахилгат уул болсон.