“Хүрээ цам-Даншиг наадам 2026” энэ сарын 27, 28-нд Хүй долоон худагт болно. Наадмын үеэр олон төрлийн спорт, урлаг, шашны арга хэмжээ зохион байгуулагдах бөгөөд иргэдэд автобус үнэ төлбөргүй үйлчилнэ.

ОХУ-ын Волгоградын академийн 60 жилийн ойд Монгол Улсын Ерөнхийлөгчийн зарлигаар тус сургуульд "Алтан гадас" одон хүртээсэн талаар мэдээлэл гарлаа. Академи нь цагдаа, мөрдөн байцаагч бэлтгэдэг цэргийн сургууль юм.

Монгол Улсын Ерөнхийлөгч У.Хүрэлсүхийн санаачилгаар Хөвсгөл нуурыг цэвэрлэх хоёр сарын аяныг зургаадугаар сарын 22-ноос наймдугаар сарын 13-ны хооронд зохион байгуулна. Аянд төрийн болон төрийн бус байгууллага, аж ахуйн нэгж, нутгийн иргэд оролцоно.

Ерөнхий сайд Н.Учрал эдийн засгаа дэмжих зорилгоор татварын шинэчлэлийн хуулийн төслүүдийг УИХ-д өргөн мэдүүлж, цалингийн татварыг бууруулах, ААН-ийн татварын ачааллыг хөнгөвчлөх зохицуулалтуудыг танилцууллаа.

Нийслэлийн удирдах ажилтнуудын шуурхай зөвлөгөөнөөр хотын дарга Б.Пүрэвдагва зөвшөөрөлгүй байрлуулсан ТҮЦ-үүдийг нүүлгэн шилжүүлэх үүрэг өгсөн байна.

Замын хөдөлгөөний аюулгүй байдлын тухай хуулийн нэмэлт өөрчлөлт 7 дугаар сарын 1-нээс хэрэгжиж, мопед, скүүтерийн үйл ажиллагааг хуульд нийцүүлэн зохицуулах бэлтгэл ажил хийгдэж байна.

2024 онд Монгол Улсад гэрлэлтийн тоо өмнөх оноос 18.3 хувиар буурч, гэр бүл цуцлалтын тоо 6.6 хувиар буурсан байна. Гэвч 2019 оноос гэрлэлтийн тоо буурч, гэр бүл цуцлалт нэмэгдэх хандлагатай байна.

УИХ-ын Төсвийн байнгын хороо "НӨАТ-ын босгыг 50 саяас 400 сая болгох" заалтыг хасах санал дэмжсэн ч чуулганы санал хураалтаар уг заалт хэвээр үлдсэн байна.